Kisah Para Rasul 28:2 - En Taar Weru a nunuwu' é Tontemboan

² Sé tou am bitu sama' keli ai cami. Séra méma' api wangker wo towan éra kami im baya mangé am bitu, ampa'paan asi témpo itu matampelo wo utingo.

Kisah Para Rasul 28:2 ပူးပေါင်းရင်းမြစ်များ

Matius 10:42

Si séike' e méé elepen, mandé wayake' in sanga gelas rano uting a si esa tou wawa' anio' ampa'paan sia mengakiit Yaku, en ulitna icua-Ku mangé ai camu, sia ra'ica kawisa katalaan in laasana.”

Yohanes 18:18

Asi wengi itu uting keli. Sé ata am balé itu wo sé tou sé mengatéir im Balé Le'nas, rumicet api am baa owo, wo séra tumulung an duru in api e nguméngé in owak. Wo si Petrus ka'i tumulung am bitu mewali-wali wo iséra e nguméngé in owak.

Kisah Para Rasul 27:3

Mando mai, kami tumuli an Sidon. Si Yulius sama' keli a si Paulus, wéanna kaloasan sia mangé a sé kara-karapina wosama' séra ro'na tumu'tul ing kaperluanna.

Kisah Para Rasul 28:3

Wo si Paulus mangé mangéré panga-pangana rintek en iruruk an api. An tutuwna i rumuruk im panga-pangana itu an api, tumarépé'anke'mai kumesotai ula' rumacu-racung ampa'paan paso' keli wo kumarét ing kama i Paulus.

Kisah Para Rasul 28:4

An tutuw é tou am pulou itu suméré si ula' itu makawérén ang kama i Paulus, séra mengkuanan, “Si tou anio' wutul mengapaté tou. Mandé ka'i sia icawekaro ang kawangkuran an ta'sic, ra'ica iwaya i Dewi Keadilan sia menonou.”

Roma 1:14

Ampa'paan pawerotenku sapaoka imamualio tawoienku e mangé kumua in Abar Kaaruien andumoro' i Yesus Kristus a sé pakasa in tou: A sé tou Yunani kuma'pa a sé tou walina, a sé tou isumicola kuma'pa a sé ra'ica isumicola.

Roma 14:1

Terimano mangé' si tou ra'ipé' keter em paémanenna wo tioo meindo-indoan roma' wo isia andumoro' in sapa em paémanenna.

Roma 14:3

Si tou ro'na kuman pakasa ing kakanen tioo mengaséro' si tou kuman in séndéénke'. Taniitu ka'i si tou kuman in séndéénke', tioo mawéé kaséaan a si tou mengakan pakasa ing kakanen, ampa'paan si tou itu tinerimao i Amang Kasuruan.

Roma 2:27

Wo in taniitu sé tou ra'ica Yahudi mandé séra ra'ica sinunat, taan sa séra mengaéma' in ukum Torat, séra oka en tumuru' ing kameséaan iow tou Yahudi. Ampa'paan kamu, mandé sinunato taan ra'ica mengaéma' in ukum Torat sé aipatico itu.

1 Korintus 14:11

Sa awéan tou maroma' ai cita wo ra'ica kaangéanta e nunuwuun ipakuana, tantu icuana kita tou manangkéi, taniitu ka'i sia, tantu icuata sia tou manangkéi.

2 Korintus 11:27

Yaku ra'ica mento' menawo-nawoi akar i makepé, yaku makakeli-keli ra'io matekel, ra'io makan, ra'ica maelep, makakeli-keli ka'i ra'io wana kakanen, kautingan ampa'paan eng karai ra'ica maawes.

Kolose 3:11

Wo in taniitu, kamu sé mamualio weru, ra'io wana em bédana, tou Yunani kuma'pa tou Yahudi, tou sinunat kuma'pa tou ra'ica sinunat, tou Barbar kuma'pa tou Skit, ata kuma'pa ra'ica ata, pakasa waya puté. Taan si penting keli si Kristus wo Sia menonouo an owak iow im baya.

Ibrani 13:2

Tioo marua-rua até en tumerima si séike' en lumosér am balé miow mandé ka'i ra'ipé' katuusan iow. Ampa'paan ang karapi méma' in taniitu, awéan sé piraan tou indior ra'ica kinailekan éra itumerimao sé malaékat am balé éra.