Kisah Para Rasul 28:17 - En Taar Weru a nunuwu' é Tontemboan

¹⁷ Teluo ngando kami am bitu wo enoten i Paulus sé tou Yahudi sé pasiri-siriin e meta'up wo sia. Wo an tutuw éra imali'uso, icuana ai séra, “Poo-poow! Yaku am bia'i ampa'paan tinangka' é tou Yahudi an Yerusalem wo isarakan éra aku a sé pemerénta Romawi. Taan aku ra'ica iméma' kaséaan sapa-sapa en sumundur sé taranakta wo ka'i ra'ica kumélong ing kanaramen é apo-apo'ta.

Kisah Para Rasul 28:17 ပူးပေါင်းရင်းမြစ်များ

Kisah Para Rasul 13:50

Taan sé tou Yahudi sé cumélong in Taar i Amang Kasuruan itu, séra memaso-maso' in léwo' a sé wéwéné sé mengaapo' a si Amang Kasuruan sé awéan pengaru wo ka'i a sé kikiiten ang kota itu. Wo okoien éra si Paulus wo si Barnabas wo yusér éra en tumela'u in sangkum itu.

Kisah Para Rasul 22:5

Sé niéma'ku itu, kailekan i imam wangko' wo sé anggota i Mahkamah Agama, séra oka e méé kasairian ai camu sapaoka en itu wutul. Wo isérao itu ka'i e méé in surat kawasa a yaku em paalin a sé tou Yahudi an Damsyik. Anaé, ang karapi in surat kawasa itu, yaku ro'na tumangka' sé tou makiit in sususuien i Yesus sé an Damsyik. Kekawus in itu iwaliku mangé séra an Yerusalem en ukumen.

Kisah Para Rasul 23:33

Icateka' mangé ang Kaisarea, sé suraro mapaké kawayo méé in surat a si gubernur Feliks, wo isarakan éra ka'i si Paulus ai sia.

Kisah Para Rasul 25:10

Isowat i Paulus, “Yaku tou Romawi. Intarépé' aku makatulung an tampa pengasidangan im perkara é tou Romawi. Anaé, yaku musti sidangen am bia'i, ra'ica an Yerusalem. Kailekano wutu-wutul i tuang, sa aku ra'ica iméma' ing kaséaan sapa-sapa a sé tou Yahudi.

Kisah Para Rasul 25:2

A mangé mbitu, sé kikiiten é imam wo sé tou Yahudi sé pasiri-siriin mai meta'up wo isia eng kumua in tuduan éra a si Paulus.

Kisah Para Rasul 25:8

Taan si Paulus méla in owak, icuana, “Mandé teké'ke', aku ra'ica kawisa mako méma' kaséaan. Yaku ra'ica iméma' sapa-sapa en sumundur in ukum Torat wo ra'ica méma' kaséaan am Balé Le'nas wo ka'i ra'ica iméma' kaséaan a si Kaisar Romawi.”

Kisah Para Rasul 6:14

Lininga ami, ipakuana sa si Yesus tou Nazaret itu e tumongkar oka im Balé Le'nas anio' wo rumoba ing kanaramen si aisusuio i Musa indior, si pemaké-makénta akar intarépé'.”