Kisah Para Rasul 28:16 - En Taar Weru a nunuwu' é Tontemboan

¹⁶ Ampa'paan kami icateka'o a Roma, si kikiiten am bitu méé kaloasan a si Paulus wosama' ra'ica tangen an untep im bui. Sia ro'na mento' an esa walé mewali-wali wo si esa suraro si makatéir sia.

Kisah Para Rasul 28:16 ပူးပေါင်းရင်းမြစ်များ

Kisah Para Rasul 18:2

Am bitu sia meta'up wo si esa tou Yahudi, e ngaranna Akwila. Sia tou Pontus. Sia wo si penanaanna Priskila makaaié' an Italia, ampa'paan pinerénta i Kaisar Klaudius pakasa sé tou Yahudi musti kumesot a Roma. Wo si Paulus mangé meta'- up wo si Akwila wo si Priskila,

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

Kisah Para Rasul 2:10

Frigia wo Pamfilia, Mesir wo sé an sangku-sangkum in Libia si mentawian wo eng Kirene, sé tou imanangkéi a Roma,

Kisah Para Rasul 23:11

Asi woondona mai tutuw i mawengio, si Apo' Yesus mai tumulung an duru i Paulus wo kumua, “Ico ra'ica toro maindé'! Kete-ketereno en atému. Ico imééo kasairian andumoro' Yaku a sé tou Yerusalem anio' wo ka'i ko musti mangé méé kasairian tanu sia'i andumoro' Yaku a Roma.”

Kisah Para Rasul 24:23

Wo iru'du' i gubernur Feliks si perwira é suraro itu itumang si Paulus, taan sia winéan toyo' kaloasan. Taniitu ka'i sé kara-karapina winéan kaloasan e ro'na mesuk isia wo méé ing kaperluanna.

Kisah Para Rasul 27:3

Mando mai, kami tumuli an Sidon. Si Yulius sama' keli a si Paulus, wéanna kaloasan sia mangé a sé kara-karapina wosama' séra ro'na tumu'tul ing kaperluanna.

Kisah Para Rasul 27:31

Taan en itu kailekan i Paulus wo icuana a si Yulius si perwira é suraro wo sé surarona, “Sa séra tumincas tumela'u ing kapal anio', kamu ra'ica kawisa malowir.”

Kisah Para Rasul 27:43

Taan péronen i perwira éra sapa em pawasa-wasan éra, ampa'paan sia masalé' lumowir si Paulus. Wo peréntanna sé tou sé makailek make'bung, en dumior lumo'tic an ta'sic wo kume'bung akar ang katanaan.

Wahyu 17:18

Si wéwéné sinérému itu, siituo si kota wangker si maperénta sé kolano ang kayo'baan.

Wahyu 17:9

Em penting am bia'i musti pakénta eng kapinteran asi Amang Kasuruan owo wosama' ro'na kaangéanta andumoro' in sapa eng kaangéan é pitu ro'kos i binatang itu. Sé pitu ro'kos ituo sé pitu kuntung, am bawo é kuntung itu pengalukutan i wéwéné itu,