Kisah Para Rasul 28:11 - En Taar Weru a nunuwu' é Tontemboan

¹¹ Telu ngaserap kami am pulou Malta, kekawus in itu kami suméngkot sumaké ang kapal si mai an Aleksandria owo, wo eng kapal asi témpo itu itumuli am pasuwaan ing kapal asi pulou itu an oras ing kautingan. Eng kapal itu awéan gambar tanu tuus ‘Opo' Kambar, Kastor wo Poluks’.

Kisah Para Rasul 28:11 ပူးပေါင်းရင်းမြစ်များ

Kisah Para Rasul 13:6

Séra mangé am pakasa in tampa am pulou itu akar am Pafos. Am bitu séra meta'up wo si esa tou Yahudi, makangaran Baryesus. Sia itu masihir wo ka'i nabi ra'ica wutul.

Kisah Para Rasul 27:6

An tampa itu, si Yulius makéré kapal si an Aleksandria owo, si suméngkot oka maangé an Italia. Wo iwalina kami im baya méra ang kapal itu.

Kisah Para Rasul 28:10

Sé tou am bitu masiri-siri' icami. Wo an tutuw ami meséngkoto, aitu'tul éra ka'i pakasa eng kaperluan ami.

Kisah Para Rasul 28:12

Wo kami tumuli ka'i am pasuwaan ing kapal an Sirakusa am pulou Sisilia, wo mento' am bitu telu ngando eng kauréna.

Kisah Para Rasul 6:9

Am bitu awéan ka'i piraan tou Yahudi ang Kirene owo wo an Aleksandria, wo awéan piraan ka'i mai ang Kilikia wo an Asia owo. Séra itu indior sumangkumo mamuali ata é tou taan intarépé' ra'io. Em balé paapo'- an éra makangaran ‘Walé paapo'an é tou sé indior sumangkumo mamuali ata.’ Ra'ica icasalé' éra si Stefanus, ampa'paan in ituo séra meindoan roma' wo sia.

1 Korintus 8:4

Wo andumoro' ing kuman ing kakanen sé airagéso a sé opo-opo', kailekanta: sé opo-opo' ra'ica wana ang kayo'baan, wo si Amang Kasuruan wayake' in esa ra'ica wana walina.