Kisah Para Rasul 27:5 - En Taar Weru a nunuwu' é Tontemboan

⁵ An Siprus, kami suméngkot lumewet in ta'sic wangker si an dior ing Kilikia wo Pamfilia. Wo kami icateka' a Mira an sangkum in Likia.

Kisah Para Rasul 27:5 ပူးပေါင်းရင်းမြစ်များ

Kisah Para Rasul 13:13

Wo itela'u i Paulus em Pafos am pulou Siprus, sia wo sé kara-karapina suméngkot angé am Perga an sangkum im Pamfilia. Taan tela'u i Yohanes séra wo sia maréng angé an Yerusalem.

Kisah Para Rasul 15:23

Wo en surat itu aisarakan a si Barsabas wo si Silas, aipatic in tana'i: “Siri' a sé poo-poow esa paémanen sé ra'ica tou Yahudi sé maento' an Antiokhia, an Siria, wo eng Kilikia. En siri' anio' ai cami owo sé ruru'du'an wo sé penatua an Yerusalem.

Kisah Para Rasul 15:38

Taan sia rinomaanke' i Paulus sapaoka, ra'ica loor e maali si tou si sumangkumo tumela'u iséra am Pamfilia wo ra'ica kiim tumawoi mewali-wali wo iséra.

Kisah Para Rasul 15:41

Si Paulus wo si Silas mangé an sangkum in Siria wo eng Kilikia wo kumeter im paémanen é tou maéman am bitu.

Kisah Para Rasul 2:10

Frigia wo Pamfilia, Mesir wo sé an sangku-sangkum in Libia si mentawian wo eng Kirene, sé tou imanangkéi a Roma,

Kisah Para Rasul 21:39

Isowat i Paulus, “Ra'ica é tuang. Yaku tou Yahudi, an Tarsus owo, kota si kailekano keli ang Kilikia. Pangilekenku wosama' aku ro'na rumoma' a sé tou keli itu.”

Kisah Para Rasul 22:3

“Yaku tou Yahudi, itumou an Tarsus an tana' Kilikia, taan imawangko' an Yerusalem anio'. Si guruku makangaran Gamaliel. Yaku sinusuianna in sama' andumoro' in ukum Torat si aiwéé i Musa a sé apo-apo'ta. Pakasa en atoran i Amang Kasuruan itu pengaémaanku waya tanu ka'i im pengaémaan iow intarépé'.

Kisah Para Rasul 6:9

Am bitu awéan ka'i piraan tou Yahudi ang Kirene owo wo an Aleksandria, wo awéan piraan ka'i mai ang Kilikia wo an Asia owo. Séra itu indior sumangkumo mamuali ata é tou taan intarépé' ra'io. Em balé paapo'- an éra makangaran ‘Walé paapo'an é tou sé indior sumangkumo mamuali ata.’ Ra'ica icasalé' éra si Stefanus, ampa'paan in ituo séra meindoan roma' wo sia.

Galatia 1:21

Kekawusku tumela'u in Yerusalem yaku mangé an Siria wo ang Kilikia.