Kisah Para Rasul 27:41 - En Taar Weru a nunuwu' é Tontemboan

⁴¹ Taan eng kapal éra icasaké am bawo i rangi'ngis wo kumandas. Haluan ing kapal icasu'suk am bitu akar ra'io icaéro'. Wo en somoi ing kapal imateri ampa'paan pawekaran in sempa' wangko'.

Kisah Para Rasul 27:41 ပူးပေါင်းရင်းမြစ်များ

Kisah Para Rasul 27:17

An tutuw en londéi teké' itu aisakéo ang kapal wo eng kapal itu wa'kesen éra in tali si makali'cir asi kapal itu wosama' eng kapal itu ra'ica materi. Kekawus ako in itu, itumpa éra en layar wo iwaya éra eng kapal ipawali-wali in sempa'. Émaan éra taniitu ampa'paan icaindé' éra oréoka eng kapal kumandas an tampa wawo an duru in ta'sic Sirtis.

Kisah Para Rasul 27:30

Wo sé tou ing kapal tumumpa in londéi teké' ang karapi i memene-menes ampa'paan rumaméji tumela'u ing kapal itu, tanuoka woo séra matumpa im piraan jangkar an dior ing kapal akar ra'ica kailekan é tou ang kapal.

Kisah Para Rasul 27:40

Ampa'paan in ituo pokolen éra en tali-tali in jangkar wo iwaya éra en jangkar itu ang karareman in ta'sic. Ang karoro'an in itu ka'i wora éra en tali-tali ing kamudi. Wo wukaan éra ka'i en layar wosama' eng kapal itu iwali in deges ang katanaan itu.

Kisah Para Rasul 27:42

Ampa'paan i imamualio taniitu, sé suraro mawasa i maté sé tou pakaukumen sé ipawali-wali éra wosama' ra'ica wana esa tou en tumincas kume'bung.

1 Korintus 15:58

Ampa'paan in ituo é poo-poow sé icaupusku, keteren em paémanen iow wo ra'ica toro marua-rua wasa. Wo mare'de-re'dem an tawoien i Casuruan, ampa'paan kailekano miow sapaoka sé tinawoi iow an dior i Casuruan ra'ica wana si ra'ica wana en torona.