Kisah Para Rasul 27:4 - En Taar Weru a nunuwu' é Tontemboan

⁴ Am bituke' kami suméngkot sumawel. Taan an tutuw itu oras in awaat anaé kami suméngkot masu'suk in deges, anaé kami mengii-ngiit in tembir im pulou Siprus wosama' eng kapal ami ra'ica su'suken in deges itu.

Kisah Para Rasul 27:4 ပူးပေါင်းရင်းမြစ်များ

Matius 14:24

An tutuw itu, en londéi pakasakéan é murit-Na piraano mil eng katayang, an unero in lour en londéi itu pemolé-moléi oka in sempa', wo masu'suk in deges repet.

Markus 6:48

Wo sérén-Na sé murit-Na ra'io makawoo madayung ampa'paan masu'suk in deges. Wona' jam tiga matawi i mando, si Yesus mai ai séra mawaya' am bawo in dano, wo em basa-Na lumangkoi woo iséra.

Lukas 8:22

Asi sangando si Yesus wo sé murit-Na sumaké an londéi wo icua-Na a sé murit-Na, “Mayoo, kita mangé an lewet in lour.” Wo séra mangé lumewet.

Kisah Para Rasul 13:4

Ampa'paan airu'du' i Roh Le'nas si Barnabas wo si Saulus mangé an Seleukia, wo am bitu oka séra suméngkot angé am pulou Siprus.

Kisah Para Rasul 15:39

Siituo e iméma' iséra in dua meindo-indoan roma', akar séra metané. Wo iwali i Barnabas si Markus en suméngkot angé an Siprus.

Kisah Para Rasul 21:16

Wo awéan piraan tou maéman ang Kaisarea kumiit ka'i wo icami. Iwali éra kami mangé am balé i esa tou makangaran Manason wosama' kami mento' am bitu. Si Manason itu am pulou Siprus owo, wo uréo maéman a si Yesus.

Kisah Para Rasul 21:3

Wo kaséréan ami em pulou Siprus ang ka'biri, taan kami ra'ica itumuli am bitu. Eng kapal sinakéan ami melala'uske' mangé an Tirus an Siria, ampa'paan em barang-barang ang kapal musti itumpa am bitu.

Kisah Para Rasul 27:7

Pirao ngando kami suméngkot, eng kapal mawaya' ngenger keli ampa'paan pasu'suken in deges repet wo ang karapi im bendu keli kami matawio ing Knidus. Asi témpo itu en deges repeté' keli, ampa'paano in itu, kami suméngkot mindo lalan walina kumiit an tanjung Salmone am pulou Kreta wosama' ra'ica sumu'suk in deges repet.

Kisah Para Rasul 4:36

Taniitu ka'i si Yusuf taranak i Lewi si tumou an Siprus. Sia pengatowan é ruru'du'an ‘Barnabas’, eng kaangéanna ‘tou mengawéé ing kaketeran a sé tou walina’.