Kisah Para Rasul 27:38 - En Taar Weru a nunuwu' é Tontemboan

³⁸ An tutuw i mawesuo wo itiya' éra an ta'sic eng karong-karong si pinumpunan ing gandum wosama' eng kapal maporak.

Kisah Para Rasul 27:38 ပူးပေါင်းရင်းမြစ်များ

Matius 16:26

Sapa en torona si esa tou makéré waya sé ang kayo'baan, taan katalaan ing katouan akar ing kauré-uré? Sapa réén e ro'na iwééna tanu sawel ing katouanna?

Matius 4:18

An tutuw i Yesus imawaya' an tembir in lour Galilea, sérén-Na sé rua metuari, séra ituo si Simon si patuulen Petrus wo si Andreas tuarina. Séra ang karoro'an malombo' in lolombo' an lour, ampa'paan en tawoien éra mengaéré sera'.

Matius 6:25

“Ampa'paan in itu, icua-Ku mangé ai camu, tioo maindé-indé' andumoro' ing katouan iow, andumoro' ing kakanen iow kuma'pa in elepen, wo tioo maindé-indé' andumoro' in owak iow, andumoro' in sapa em pakén iow. Ra'ica réén eng katouan si lébé pentingai wo ing kakanen wo en owak itu si lébé pentingai wo ing karai?

Lukas 12:23

Ampa'paan eng katouan si lébé pentingai wo ing kakanen wo en owak itu lébé pentingai wo ing karai.

Ibrani 12:1

Tumo'tolke' mai indior, keli en tou sé imamuali sairi im paémanen éra torona icita. Kita pakali'ciren é tou keli itu tanuoka ing kambung makali'cir icita. Ampa'paan in ituo mayoo tiya'ta waya em pamuléngen wo ing kamesé-meséaan si makaléngkété' ai cita, wo kasake' talesen am pekowaan si pakasarunta.