Kisah Para Rasul 27:34 - En Taar Weru a nunuwu' é Tontemboan

³⁴ Ampa'paano in itu, sina'uenku kamu kuman owo wosama' ro'na maketer. Mandé esake' tou ai camu, ra'ica wana wuuk an do'kos iow e rumongkor mandé in esake'.”

Kisah Para Rasul 27:34 ပူးပေါင်းရင်းမြစ်များ

Matius 10:30

Taniitu ka'i wo icamu, eng kakeli im buuk an do'kos iow kailekan waya i Amang Kasuruan.

Matius 15:32

Wo towan i Yesus sé murit-Na wo kumua, “En até-Ku mendam ing kaupusan a sé tou keli anio'. Ampa'paan teluo ngando séra mengii-ngiit Yaku wo séra ra'io wana kakanen. Ra'ica kiim-Ku rumu'du' séra maréng ang karapi i maarem, oréoka séra awéan e mapusing an lalan.”

Lukas 12:7

Taniitu ka'i kamu, eng kakeli im buuk an do'kos iow kailekan waya i Amang Kasuruan. Ampa'paan in ituo, tioo kamu maindé', ampa'paan kamu en lumébémai em bééna wo sé rincéng.”

Lukas 21:18

Mandé in taniitu, tioo kamu maindé', ampa'paan mandé esake' em buuk an do'kos iow ra'ica wana e rumongkor.

Kisah Para Rasul 27:33

Matawio ing katoora yéndo wo uwasen i Paulus pakasa sé tou ang kapal eng kuman. Icuana, “Ruao duminggu kita itumang in arem ra'ica icuman sapa-sapa mengento-ngento' oka.

Filipi 2:5

Em peri miow musti meputé wo im peri i Kristus Yesus.

1 Timotius 5:23

Timotius, kailekanku ko pengasakitan in tina'i wo awéan sakit walina. Anaé, ko tioo asalo mengaelep rano kulo'ke', taan maelep angé toyo' anggor en sumama' in sakitmu itu.