Kisah Para Rasul 27:24 - En Taar Weru a nunuwu' é Tontemboan

²⁴ Icua i malaékat itu a yaku, ‘Paulus, ra'ica toro maindé'! Ico musti mangé sumaru a si Kaisar Romawi. Si Amang Kasuruan itumambéro mai in upus-Na ai co wo ampa'paano ico pakasa en tou sé suméngkot mewali-wali wo ico malowir oka.’

Kisah Para Rasul 27:24 ပူးပေါင်းရင်းမြစ်များ

Matius 10:18

Iwali oka éra ka'i kamu an dior é makakawasa wo sé kolano ampa'paan kamu mengakua in andumoro' Yaku. Wo en témpo itu musti pakén iow en sumairi andumoro' Yaku ai séra wo a sé bangsa sé ra'ica makatuus si Amang Kasuruan.

Matius 10:28

Tioo kamu maindé' a sé tou sé asalo makawoo maté in owak iow taan ra'ica wana kawasa e maté i mu'kur iow. Taan maindé'o mangé a si Amang Kasuruan si makakawasa e maté in owak wo i mu'kur iow a naraka.

Yohanes 11:9

Isowat i Yesus ai séra, “Ra'ica réén an sangando eng kauréna sangapulu' rua jam? Sé tou mawaya' an tutuw in endopé', eng kécéina ra'ica icasu'su' ampa'paan sia makaséré in sendot ing kayo'baan anio'.

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

Kisah Para Rasul 23:11

Asi woondona mai tutuw i mawengio, si Apo' Yesus mai tumulung an duru i Paulus wo kumua, “Ico ra'ica toro maindé'! Kete-ketereno en atému. Ico imééo kasairian andumoro' Yaku a sé tou Yerusalem anio' wo ka'i ko musti mangé méé kasairian tanu sia'i andumoro' Yaku a Roma.”

Kisah Para Rasul 25:11

Sa aku wutul iméma' ing kaséaan kuma'pa ing kaléwo-léwo'an si patus makéré in ukuman patén, yaku tu'tulo maté. Taan ka'icé', sa pakasa en aitudu éra a yaku ra'ica wutul, ra'ica wana mandé esake' tou e ro'na musé' en sumarakan yaku ai séra. Sa tana'i, pangilekenku em perkaraku isosor en sidangen i Kaisar Romawi!”

Kisah Para Rasul 27:31

Taan en itu kailekan i Paulus wo icuana a si Yulius si perwira é suraro wo sé surarona, “Sa séra tumincas tumela'u ing kapal anio', kamu ra'ica kawisa malowir.”

Kisah Para Rasul 27:37

Pakasa sé ang kapal itu eng kakelina rua ngaatus pitu ngapulu' enem tou.

Kisah Para Rasul 27:42

Ampa'paan i imamualio taniitu, sé suraro mawasa i maté sé tou pakaukumen sé ipawali-wali éra wosama' ra'ica wana esa tou en tumincas kume'bung.

Kisah Para Rasul 27:44

Wo sé walina mekiit ang karapi i maké papang kuma'pa barang walina sé materi-terio ang kapal. Wo in taniitu séra im baya ro'na malowir akar ang katanaan.

Kisah Para Rasul 9:15

Taan icua i Casuruan a si Ananias, “Mangéo ko! Sinisir-Kuo si tou itu e mamuali ata-Ku eng kumua in Abar Kaaruien andumoro' Yaku a sé bangsa walina, a sé kolano wo ka'i a sé tou Israel.

Filemon 1:22

Wo ka'i tu'tulio' tampa en loséranku am balému, ampa'paan aku maarap, en somba-sombayang iow sowaten i Amang Kasuruan wosama' yaku ro'na maréng angé sumawel ai camu.

Yakobus 5:16

Ampa'paan in ituo, mangakuo mangé ing kamesé-meséaan asi esa wo si esa wo menson-sombayangano mangé wosama' kamu masama'. En sombayang é tou mengaéma' im butul uli-ulit wangko' eng kawasana.

Wahyu 1:17

An tutuwku isuméré Sia, icakepao aku tanuoka tou imaté an dior ing kécéi-Na. Wo iweta'-Na eng kama kakan a yaku wo icua-Na, “Tioo maindé'! Yaku anio' Si Kumataré wo Si Ka'karan,