Kisah Para Rasul 27:20 - En Taar Weru a nunuwu' é Tontemboan

²⁰ Wo awéan pira ngando kami ra'ica mailek si yéndo wo sé sumesendot. En deges repet ra'ica mento', ampa'paan in ituo paweroten ami sapaoka ra'io wana arapan e malowir.

Kisah Para Rasul 27:20 ပူးပေါင်းရင်းမြစ်များ

Matius 24:29

“Kekawus ing kawenduan asé endo itu, ‘Si yéndo mariréimbeng oka wo si serap ra'io ka'i tumélang. Sé sumesendot an langit makarongko-rongkor oka wo pakasa eng kawasa an langit malicoko oka.’

Kisah Para Rasul 27:19

Asi katelu ngando mai, sé tou ing kapal in esao en tumiya' im pakakas ing kapal.

Kisah Para Rasul 27:21

Wo si Paulus tumulung an uner éra, ampa'paan pirao ngando sé tou itu ra'ica icuman. Icuana, “Poo-poow, sa lininga miow si aipokéiku asi sangando sapaoka kita ra'ica suméngkot tumela'u im pulou Kreta, tana'i kita ra'ica meta'up ing kawenduan wo kelian eng kinatalaan tanu sia'i.

2 Korintus 11:25

Makateluo aku pinangkur im beka', makasa aku winangkil im batu wo makatelu sumangkum mai eng kapal misio kumandas, wo makasa aku ipawolé-woléi an uner in ta'sic sangando wo sangawengi.

Efesus 2:12

An tutuw itu kamu ra'ipé' maéman a si Kristus. Kamu ra'ipé' aicauntep a sé tou sé sinisir i Amang Kasuruan wo ra'ica tumerima pakasa sé aijanji-Na a sé tou-Na Israel. Wo kamu menonou ang kayo'baan anio' ra'ica wana em paarapen wo ka'i ra'ica makatuus si Amang Kasuruan.

1 Tesalonika 4:13

Poo-poow, sa awéan tou maté, ra'ica kiim ami kamu mawendu keli kaputé sé tou ra'io wana em paarapen. Ampa'paan in itu, icasale' ami kumua ai camu sapa si mamuali oka a sé tou matéo.