Kisah Para Rasul 27:2 - En Taar Weru a nunuwu' é Tontemboan

² Wo kami im baya sumaké ang kapal an Adramitium owo, si menuli-nuli oka am pasuwa-suwaan ing kapal an Asia. Wo awéan esa tou icumiit icami, makangaran Aristarkhus, si tou Makedonia ang kota Tesalonika owo.

Kisah Para Rasul 27:2 ပူးပေါင်းရင်းမြစ်များ

Lukas 8:22

Asi sangando si Yesus wo sé murit-Na sumaké an londéi wo icua-Na a sé murit-Na, “Mayoo, kita mangé an lewet in lour.” Wo séra mangé lumewet.

Kisah Para Rasul 16:17

Si wéwéné itu mengii-ngiit ka'i an somoi i Paulus wo icami, ang karapi i mengangko-ngangko', “Sé tou anioo sé ata i Amang Kasuruan Si Rumangka-rangka'. Séra makua in lalan kalowiran ai camu.”

Kisah Para Rasul 17:1

Si Paulus wo si Silas mangé an Tesalonika lumangkoi in Amfipolis wo Apolonia. An Tesalonika, awéan walé paapo'an é agama Yahudi.

Kisah Para Rasul 19:19

Wo kelian ka'i ai séra sé mengapaké in sihir, umungen éra eng kitap-kitap sihir wo tunun éra an dior é tou keli. Em bééna ing kitap-kitap itu, sa takséren wona' lima ngapulu' riwu roit pérak.

Kisah Para Rasul 19:29

Wo malicokoo waya sé ang kota itu. Tangkaan éra si Gayus wo si Aristarkhus wo iwali éra an stadion. Séra in dua itu tou Makedonia sé mewali-wali mai wo si Paulus am bawayaanna.

Kisah Para Rasul 2:9

Kita tou: Partia, Media, Elam, Mesopotamia, Yudea wo eng Kapadokia, Pontus wo Asia,

Kisah Para Rasul 21:5

Taan ampa'paan maka'puo en témpo ami mento' am bitu, kami lumala'uso im bawayaan ami. Pakasa en tou maéman wo sé penanaan wo sé toyaang éra, makawali icami akar ang kesot ing kota. An tutuw ami icateka'o mangé an tembir in ta'sic, kami im baya kumundu wo sumombayang.

Kisah Para Rasul 28:10

Sé tou am bitu masiri-siri' icami. Wo an tutuw ami meséngkoto, aitu'tul éra ka'i pakasa eng kaperluan ami.

Kisah Para Rasul 28:12

Wo kami tumuli ka'i am pasuwaan ing kapal an Sirakusa am pulou Sisilia, wo mento' am bitu telu ngando eng kauréna.

Kisah Para Rasul 28:16

Ampa'paan kami icateka'o a Roma, si kikiiten am bitu méé kaloasan a si Paulus wosama' ra'ica tangen an untep im bui. Sia ro'na mento' an esa walé mewali-wali wo si esa suraro si makatéir sia.

Kisah Para Rasul 28:2

Sé tou am bitu sama' keli ai cami. Séra méma' api wangker wo towan éra kami im baya mangé am bitu, ampa'paan asi témpo itu matampelo wo utingo.

Kolose 4:10

Si Aristarkhus, si binui mewali-wali wo yaku méé ka'i mai in siri' ai camu taniitu ka'i si Markus, si toyaang metuari wo si Barnabas. Andumoro' si Markus anio' sumangkumo aicuaku ai camu sapaoka sa sia maai, terimano mangé sia ang karapi in sama'.

Filemon 1:24

Sé kara-karapiku an esa tawoien, si Markus, si Aristarkhus, si Demas wo si Lukas, séra ka'i cumirim mai in siri' ai co.