Kisah Para Rasul 27:17 - En Taar Weru a nunuwu' é Tontemboan

¹⁷ An tutuw en londéi teké' itu aisakéo ang kapal wo eng kapal itu wa'kesen éra in tali si makali'cir asi kapal itu wosama' eng kapal itu ra'ica materi. Kekawus ako in itu, itumpa éra en layar wo iwaya éra eng kapal ipawali-wali in sempa'. Émaan éra taniitu ampa'paan icaindé' éra oréoka eng kapal kumandas an tampa wawo an duru in ta'sic Sirtis.

Kisah Para Rasul 27:17 ပူးပေါင်းရင်းမြစ်များ

Kisah Para Rasul 27:16

Wo kami iwali in aros akar an tembir in ta'sic am pulou teké' makangaran Kauda. Wo kami kinari'diran toyo' in deges, ampa'paano in itu mandé im bendu keli ro'na kinaindoan ami en londéi teké'.

Kisah Para Rasul 27:26

Taan eng kapal anio' musti i dampar an esa pulou.”

Kisah Para Rasul 27:29

Ampa'paan icaindé' éra oréoka eng kapal kumandas am batu karang, anaé itumpa éra en epat jangkar an somoi ing kapal. Séra sumombayang wosama' rior mando.

Kisah Para Rasul 27:40

Ampa'paan in ituo pokolen éra en tali-tali in jangkar wo iwaya éra en jangkar itu ang karareman in ta'sic. Ang karoro'an in itu ka'i wora éra en tali-tali ing kamudi. Wo wukaan éra ka'i en layar wosama' eng kapal itu iwali in deges ang katanaan itu.

Kisah Para Rasul 27:41

Taan eng kapal éra icasaké am bawo i rangi'ngis wo kumandas. Haluan ing kapal icasu'suk am bitu akar ra'io icaéro'. Wo en somoi ing kapal imateri ampa'paan pawekaran in sempa' wangko'.