Kisah Para Rasul 27:13 - En Taar Weru a nunuwu' é Tontemboan

¹³ Asi témpo itu, en deges a mékona owo ra'ica talos repet. Anaé, paweroten é tou ing kapal sa séra suméngkot maangé ang kota Feniks ra'ica sapa-sapa. Ampa'paan in ituo angkaien éra en jangkar wo suméngkot angé kumiit in tembir in ta'sic im pulou Kreta.

Kisah Para Rasul 27:13 ပူးပေါင်းရင်းမြစ်များ

Lukas 12:55

Wo sa kapendaman iow en deges a mékona owo maregeso, makala'us icua miow, ‘Maayo eng kasendangen,’ wo ulit mai eng kasendangen.

Kisah Para Rasul 2:11

sé tou Yahudi wo sé tou ra'ica Yahudi sé mengakiit in agama Yahudi. Wo awéan ka'i sé tou Kreta wo sé tou Arab. Icita im baya iluminga iséra maroma' imaké i nunuwu'ta in esa andumoro' ing kakaya'kaan wangko' sé niéma' i Amang Kasuruan.”

Kisah Para Rasul 27:12

Ampa'paan em pasuwaan ing kapal itu ra'ica loor pasuwaan ing kapal-kapal asi oras ing kautingan. Ampa'paan in ituo keli sé tou ang kapal lébé masalé' sa eng kapal maya' suméngkot melala'us mangé ang kota Feniks am pulou Kreta wosama' ro'na mento' toyo' am bitu an orasna ing kautingan. Eng kota Feniks itu kota pasuwaan ing kapal aicari'dir an deges ampa'paan makasaru mako.

Kisah Para Rasul 27:21

Wo si Paulus tumulung an uner éra, ampa'paan pirao ngando sé tou itu ra'ica icuman. Icuana, “Poo-poow, sa lininga miow si aipokéiku asi sangando sapaoka kita ra'ica suméngkot tumela'u im pulou Kreta, tana'i kita ra'ica meta'up ing kawenduan wo kelian eng kinatalaan tanu sia'i.

Kisah Para Rasul 27:8

Kami suméngkot ang karapi im bendu keli kumiit in tanjung itu. Kekawus in itu kami icateka' an esa tampa, makangaran Pasuwaan ing kapal Loor. En tampa anio' mentawian wo eng kota Lasea.

Titus 1:12

Awéan esa nabi, sia tou éra in esa ang Kreta si sumangkumo kumua in tana'i, “Ulito sé tou Kreta kotowo, puté wo sé binatang luméwo-léwo', longi' wo weles ra'ica kiim tumawoi.”

Titus 1:5

Ico aitela'uku am pulou Kreta wosama' ro'na tu'tulenmu sapa sé ra'ipé' tu'tul an jamaat am bitu wo ka'i lumantik sé penatua ang kota-kota am pulou itu. Kiiteno mangé tanu sé aitaarkuo ai co.