Kisah Para Rasul 27:1 - En Taar Weru a nunuwu' é Tontemboan

¹ Pinusé'o i gubernur Festus eng kumirim icami im baya maangé a Roma an Italia. Anaé, si Paulus wo piraan tou sé binui walina aisarakan a si esa kikiiten é suraro, makangaran Yulius. Sia pasukan i Kaisar Romawi.

Kisah Para Rasul 27:1 ပူးပေါင်းရင်းမြစ်များ

Matius 27:54

Si kikiiten é suraro wo sé surarona sé makatéir si Yesus, séra maindé' keli an tutuw i makaséré im pangéro' repet wo pakasa sé mamuali. Wo icua éra, “Si Tou anio', uli-ulit Toyaang i Amang Kasuruan!”

Lukas 23:47

An tutuw sérén i kikiiten é suraro Romawi sapa e imamuali wo sia rumayo si Amang Kasuruan, icuana, “Si Tou anio' uli-ulit ra'ica wana kaséaan!”

Lukas 7:2

Am bitu, awéan si kikiiten é sanga atus suraro Romawi, makaanu esa ata si paupu-upusna. Si ata itu sumakit repet wo mepaté-patéo.

Kisah Para Rasul 10:1

Ang Kaisarea awéan esa tuama, makangaran Kornelius. Sia perwira Romawi si kikiiten é sangaatus suraro. Ngaran ing kompi éra itu suraro Italia.

Kisah Para Rasul 10:22

Wo isowat éra, “Kami airu'du' mai i Kornelius si perwira é Romawi. Sia tou sama' wo maapo' a si Amang Kasuruan wo pasiri-siriin é tou Yahudi. Asi makasa, sia pinapaturu'an i malaékat i Amang Kasuruan wo rumu'du' e menot ico mangé am baléna wosama' sia ro'na luminga sapa en icua i tuang.”

Kisah Para Rasul 16:10

Kekawusai i Paulus suméré im pinapaturu'an itu, kala'usen ami i musé' wo tumu'tul e maangé a Makedonia, ampa'paan am pinapaturu'an itu kami tinowao i Amang Kasuruan eng kumua in Abar Kaaruien andumoro i Yesus Kristus a sé tou a mangé mbitu.

Kisah Para Rasul 18:2

Am bitu sia meta'up wo si esa tou Yahudi, e ngaranna Akwila. Sia tou Pontus. Sia wo si penanaanna Priskila makaaié' an Italia, ampa'paan pinerénta i Kaisar Klaudius pakasa sé tou Yahudi musti kumesot a Roma. Wo si Paulus mangé meta'- up wo si Akwila wo si Priskila,

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

Kisah Para Rasul 21:32

Ampa'paan in ituo, iwalina sé surarona wo sé perwira mangé an tampa si malicokoo itu. An tutuw sérén é tou si kikiiten itu wo sé surarona maayo wo séra mento' matepi si Paulus.

Kisah Para Rasul 22:26

Kelinga in itu, si perwira si karoro'an i matawoi itu makala'- us mangé kumua a si kikiiten é suraro Romawi, icuana, “Tuang, si tou itu réén, tou Romawi. Sapa réén en émaanmu ai sia?”

Kisah Para Rasul 23:11

Asi woondona mai tutuw i mawengio, si Apo' Yesus mai tumulung an duru i Paulus wo kumua, “Ico ra'ica toro maindé'! Kete-ketereno en atému. Ico imééo kasairian andumoro' Yaku a sé tou Yerusalem anio' wo ka'i ko musti mangé méé kasairian tanu sia'i andumoro' Yaku a Roma.”

Kisah Para Rasul 23:17

Kelinga in itu wo towan i Paulus si esa perwira wo kumua ai sia, “Tuang, pekiupusenku iwali mangé si mangalitou anio' a si kikiiten i tuang, ampa'paan awéan en icuana a si kikiiten i tuang.”

Kisah Para Rasul 24:23

Wo iru'du' i gubernur Feliks si perwira é suraro itu itumang si Paulus, taan sia winéan toyo' kaloasan. Taniitu ka'i sé kara-karapina winéan kaloasan e ro'na mesuk isia wo méé ing kaperluanna.

Kisah Para Rasul 25:12

Kelinga in itu, si Festus meroma' wo sé tou mengawéé sina'u ai sia. Wo icuana a si Paulus, “Ico mangileko sumosor im perkara en sidangen i Kaisar Romawi, anaé ico musti mangé meta'up wo isia.”

Kisah Para Rasul 25:25

Taan an tutuwku in sumidang im perkarana, ra'ica kinéréanku mandé esake' eng kameséaanna si patus makéré in ukuman patén. Wo ampa'paan sia in esa e imangilek im perkarana isosor en sidangen i Kaisar Romawi, anaé puséénku eng kumirim isia sumaru a si Kaisar.

Kisah Para Rasul 27:11

Taan si Yulius si perwira itu ra'ica kiim luminga si Paulus, sia lébéke' mercaya si mawali ing kapal wo si makaanu ing kapal itu.

Kisah Para Rasul 27:43

Taan péronen i perwira éra sapa em pawasa-wasan éra, ampa'paan sia masalé' lumowir si Paulus. Wo peréntanna sé tou sé makailek make'bung, en dumior lumo'tic an ta'sic wo kume'bung akar ang katanaan.

Kisah Para Rasul 27:6

An tampa itu, si Yulius makéré kapal si an Aleksandria owo, si suméngkot oka maangé an Italia. Wo iwalina kami im baya méra ang kapal itu.

Kisah Para Rasul 28:1

Wo kami icateka' ang karapi in sama' ang katanaan, an tutuw ituo kailekan ami sa em pulou itu makangaran Malta.

Kisah Para Rasul 28:16

Ampa'paan kami icateka'o a Roma, si kikiiten am bitu méé kaloasan a si Paulus wosama' ra'ica tangen an untep im bui. Sia ro'na mento' an esa walé mewali-wali wo si esa suraro si makatéir sia.

Ibrani 13:24

Icua mio' en siri' ami a sé kikiiten iow wo a sé pakasa sé tou le'nas. Sé poo-poow maéman an Itali am bia'i ka'i, icumirim in siri' ai camu.