Kisah Para Rasul 26:7 - En Taar Weru a nunuwu' é Tontemboan

⁷ wo ka'i si paarapen é sangapulu' rua suruta in tou Israel. Endo wo em bengi séra ra'ica maento' mengaapo' karapi in le'tek a si Amang Kasuruan ampa'paan maarap Sia lumekep in janji-Na. En janji-Na itu sapaoka sé tou imatéo touen oka sumawel. Anaé, é kolano Agripa, ampa'paano im percayanku en janji itu, sé tou Yahudi tumudu yaku.

Kisah Para Rasul 26:7 ပူးပေါင်းရင်းမြစ်များ

Matius 19:28

Icua i Yesus ai séra, “En ulitna icua-Ku mangé ai camu, ang kayo'baan weru, si Toyaang i Tou lumukut oka am palukutan-Na iparayo-rayo wo pasiri-siriin e makim waya sé tou. An tutuw itu, kamu im baya é murit-Ku lumukut oka ka'i asi sangapulu' rua palukutan pasiri-siriin mewali-wali wo Yaku e makim sé sangapulu' rua suku é Israel.

Lukas 2:25

Asi témpo itu an Yerusalem awéan esa tou makangaran Simeon. Sia itu maéma' im butul an dior i Amang Kasuruan wo le'tek ai Sia. Wo sia ang karoro'an mengento-ngento' in oras i Amang Kasuruan lumowir sé tou Israel wo e Roh Le'nas mewali-wali wo isia.

Lukas 22:30

Anaé, icamu wo Yaku mewali-wali oka kuman wo melep an esa méja ang Kakolanoan-Ku. Wo kamu ka'i lumukut oka am palukutan pasiri-siriin e merénta sé sangapulu' rua suku tou Israel.”

Kisah Para Rasul 20:31

Ampa'paan in ituo, mareti-retio mangé kamu. Musti pena'né-na'néi iow sapaoka ang kauré in telu ngata'un aku mewali-wali wo icamu, endo wo em bengi kamu pengasina'uenku si esa wo si esa akar en danona im berenku menii-niis.

Kisah Para Rasul 24:15

Yaku ka'i maarap a si Amang Kasuruan meputé wo iséra, sapaoka kawisa mangé pakasa in tou sé matéo touen oka sumawel, sama' sé tou wutul kuma'pa tou ra'ica wutul.

Kisah Para Rasul 26:2

“Kolano Agripa si pasiri-siriin. Yaku wutu-wutul arui ampa'paan aku winéan kaloasan e méla in owak an dior i tuang andumoro' sé ipatudu é tou Yahudi a yaku.

Kisah Para Rasul 26:3

Wopé'ka'i kailekanku, sa wutu-wutul kailekan i tuang eng kanaramen wo e masala ami tou Yahudi. Ampa'paan ituo, pangilekenku wosama' si tuang luminga ang karapi in talesen sapa en icuaku.

Kisah Para Rasul 28:20

Ampa'paan in ituo pinangilekku kamu meta'up wo mepaar ang karapiku wosama' kailekan iow sa pakasa en aitudu éra a yaku ra'ica wutul. Ampa'paan aku maarap wo maéman a si Mesias si aijanji i Amang Kasuruan ai cita tou Israel, ampa'paan in ituo aku pakawa'kesen tanu sia'i.”

Filipi 3:11

wosama' ang kasiwakana aku ro'na touen sumawel an uner é tou imatéo.

1 Tesalonika 3:10

Endo wo em bengi kami menomba-nombayang wosama' kami ro'na meta'up sumawel wo icamu. Wo susuian ami oka kamu en lumekep sé ra'ipé' lekep am paémanen iow.

1 Timotius 5:5

Si balu wéwéné si ra'ica wana toyaang wo ra'ica wana poyo' en suma'li, sia asalo mamangén a si Amang Kasuruan. Endo wo em bengi sia menomba-nombayang meki-kiupus a si Amang Kasuruan.

Yakobus 1:1

Siri' a yaku owo Yakobus, ata i Amang Kasuruan wo i Apo' Yesus Kristus. Aipaticku en surat anio' a sé sangapulu' rua suku Israel am panangkéian sé maémano a si Yesus Kristus.