Kisah Para Rasul 26:6 - En Taar Weru a nunuwu' é Tontemboan

⁶ Intarépé' aku aisaru am pengadilan anio' ampa'paan aku maarap in janji si aiwéé i Amang Kasuruan a sé apo-apo'ta,

Kisah Para Rasul 26:6 ပူးပေါင်းရင်းမြစ်များ

Kisah Para Rasul 23:6

An tutuw kailekan i Paulus sapaoka sé anggota Mahkamah Agama itu awéan rua golongan, si esa Saduki wo si esa ka'i Farisi wo sia kumua in taangko', “Poo-poow, sé matu'aku tou Farisi wo aku ka'i tou Farisi. Yaku aisaru a Mahkamah anio' ampa'paan percayanku sa sé tou imatéo touen sumawel i Amang Kasuruan.”

Kisah Para Rasul 24:15

Yaku ka'i maarap a si Amang Kasuruan meputé wo iséra, sapaoka kawisa mangé pakasa in tou sé matéo touen oka sumawel, sama' sé tou wutul kuma'pa tou ra'ica wutul.

Kisah Para Rasul 24:21

Kuma'pa wona' an tutuwku makatulung an dior éra wo icuaku in taangko' sapaoka, ‘Sé tou imatéo touen oka sumawel i Amang Kasuruan,’ akar aku aisaru éra a si tuang.”

Kisah Para Rasul 26:8

Wo intarépé' wuéienku ai camu é tou Yahudi, kéitu réén ra'ica percayan iow sapaoka si Amang Kasuruan ro'na tumou sumawel sé tou imatéo?

Kisah Para Rasul 28:20

Ampa'paan in ituo pinangilekku kamu meta'up wo mepaar ang karapiku wosama' kailekan iow sa pakasa en aitudu éra a yaku ra'ica wutul. Ampa'paan aku maarap wo maéman a si Mesias si aijanji i Amang Kasuruan ai cita tou Israel, ampa'paan in ituo aku pakawa'kesen tanu sia'i.”

Kisah Para Rasul 3:24

Ra'ica si Musake' en icumua andumoro' Sia, pakasa é nabi tumo'tolai asi Samuel akar a sé nabi walina kekawus i Samuel, séra icumuao i nunuwu' i Amang Kasuruan andumoro' in jaman anio'.

Roma 15:8

Ta'néiku ai camu sapaoka si Kristus imayo ang kayo'baan en sumelewir a sé tou Yahudi en tumuru' sapaoka uli-ulit émaan i Amang Kasuruan sé aijanji-Na a sé apo-apo'ta.

Galatia 4:4

Taan asi oras aitantuo i Amang Kasuruan, yutus-Na si Toyaang-Na ang kayo'baan. Si Toyaang-Na tumou asi esa wéwéné wo menonou le'tek mengaéma' in ukum Torat tanu tou Yahudi.

Titus 2:13

Émaanta waya en itu ang karoro'anta mengento-ngento'pé' wo maarap in endo i Casuruan maai sumawel. Sia itu si Amang Kasuruan mangko-wangko', Siao si Yesus Kristus si Lumolowirta. Sia maai wuta i rarayo wo in sisiri' wo maali mai ing kamang ai cita im baya.