Kisah Para Rasul 26:31 - En Taar Weru a nunuwu' é Tontemboan

³¹ Ang karoro'an i makesot am bitu, séra mengkung-kuanan, “Si tou itu ra'ica iméma' ing kameséaan sapa-sapa e méma' sia patus makéré in ukuman patén kuma'pa yuntep am bui.”

Kisah Para Rasul 26:31 ပူးပေါင်းရင်းမြစ်များ

Lukas 23:4

Wo icua i Pilatus a sé kikiiten é imam wo a sé tou keli am bitu, “Ra'ica kinéréanku eng kaséaan i Tou anio' mandé esake'.”

Kisah Para Rasul 23:29

Taan kinailekanku sapaoka sia tinudu andumoro' in atoran an ukum Torat. Taan ra'ica wana tuus en tumuru' sa sia patus makéré ukuman patén kuma'pa yuntep am bui.

Kisah Para Rasul 23:9

Ampa'paano in itu, en am bitu malicokoo. Wo piraan sé makailek wutul in Torat asé golongan Farisi mai an dior wo méla si Paulus. Icua éra, “Sa kumiit icami, si tou anio' ra'ica isuméa'! Séi si makailek awéan roh kuma'pa malaékat imai wo rumoma' ai sia?”

Kisah Para Rasul 25:25

Taan an tutuwku in sumidang im perkarana, ra'ica kinéréanku mandé esake' eng kameséaanna si patus makéré in ukuman patén. Wo ampa'paan sia in esa e imangilek im perkarana isosor en sidangen i Kaisar Romawi, anaé puséénku eng kumirim isia sumaru a si Kaisar.

Kisah Para Rasul 28:18

An tutuw é tou Romawi itu meriksa yaku a mangé mbitu, ra'ica kinéréan éra eng kaséaanku si ro'na méma' yaku makéré in ukuman patén. Ampa'paan in ituo aku aiwekar éra.

1 Petrus 3:16

Sa kamu sumowat, musti uli-ulit ang karapi in até weresi, wosama' sé tou maroros icamu ampa'paan kamu makiit si Kristus, séra in esa e malawi' ampa'paan sé iparoros éra itu ra'ica wutul.