Kisah Para Rasul 26:23 - En Taar Weru a nunuwu' é Tontemboan

²³ En aicua éra sapaoka si Mesias musti mamuléng ing keli kawenduan wo maté, taan Siao eng kataré-taré tumou sumawel. Sia oka ka'i e maali mai in sendot ing kalowiran a sé tou Yahudi wo ka'i a sé tou ra'ica Yahudi.”

Kisah Para Rasul 26:23 ပူးပေါင်းရင်းမြစ်များ

Matius 26:24

Si Toyaang i Tou maté oka tanu in aipatic ang Kitap Le'nas andumoro' Sia. Taan icawangkuro mio' si tou sumarakan Sia, aweso taré si tou itu ra'ica aitou ang kayo'baan.”

Matius 27:53

An tutuw i Yesus itumou sumawel, séra kumesot ang kubur wo mangé muntep an Yerusalem si patuulen kota le'nas, wo mapaturu' in owak éra a sé tou keli.

Lukas 2:32

Wo Sia tanu in sendot si aiwéé i Amang Kasuruan en tumélang in até é tou walina wosama' séra ro'na mai a si Amang Kasuruan, wo ka'i en sendot itu e méma' sé tou-Mu Israel ro'na irayo é tou walina.”

Lukas 24:26

Ra'ica réén kailekan iow sapaoka si Kristus musti sumangkum owo waya ing kawenduan itu, kumawus in itu Sia tumerima i rarayo wo in sisiri'?”

Lukas 24:46

Wo icua-Na ai séra, “Aipatic ang Kitap Le'nas tana'i: Si Mesias, si Colano Lumolowir, musti mawendu wo maté wo asi endo katelu tumou sumawel an uner é tou imaté.

Yohanes 10:18

Ra'ica ka'i wana esaan tou e ro'na maté Yaku, taan kasalé'an-Ku in esa en sumarakan in owak-Ku. Ampa'paan Aku awéan kawasa e méé in owak-Ku im patén, wo Yaku ka'i awéan kawasa en tumou sumawel in owak-Ku. Si Casuruan Amang-Ku e rumu'du'o Yaku méma' in itu.”

Yohanes 11:25

Isowat i Yesus a si Marta, “Yakuo en tumou sumawel sé tou imatéo wo méé ing katouan akar ing kauré-uré. Si séike' sé maéman a Yaku, mandé ka'i sia matéo ang kayo'baan anio', sia tumou oka akar ing kauré-uré.

Kisah Para Rasul 13:34

Wo ka'i an tutuw i Yesus tinou sumawel i Amang Kasuruan an unér é tou imaté, en owak i Yesus ra'ica mawuruk, tanu in aicua i Amang Kasuruan, ‘Si aijanji-Ku a si Daud, en itu janji le'nas wo wutul mamuali oka ai Co.’

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

Kisah Para Rasul 26:8

Wo intarépé' wuéienku ai camu é tou Yahudi, kéitu réén ra'ica percayan iow sapaoka si Amang Kasuruan ro'na tumou sumawel sé tou imatéo?

Kisah Para Rasul 3:18

Ang karapi i mulur taniitu imamualio en aicua i Amang Kasuruan indior imaké sé nabi, sapaoka si Mesias si ayutus-Na musti mendam ing keli kawenduan.

Kisah Para Rasul 3:24

Ra'ica si Musake' en icumua andumoro' Sia, pakasa é nabi tumo'tolai asi Samuel akar a sé nabi walina kekawus i Samuel, séra icumuao i nunuwu' i Amang Kasuruan andumoro' in jaman anio'.

1 Korintus 15:3

Aicuakuo ai camu en abar si kumataré-taré, abar sé tinerimaku in esa, sapaoka si Kristus matéo wosama' eng kamesé-meséaanta tu'busen-Na, tanu si aipatic ang Kitap Le'nas.

2 Korintus 4:4

Sé tou ra'ica mapercaya, em pakawerot éra winolao i opo' léwo' si makakawasa ing kayo'baan anio', akar séra ra'io mailek in sendot in Abar Kaaruien itu. Anaé, séra ra'ica makailek tambisa eng kawangko' i rarayo wo in sisiri' i Kristus, si meputé ulit wo si Amang Kasuruan.

Kolose 1:18

Siao si capala matu'tul sé jamaat, kaputé in do'kos si makakawasa in owak. Anaé, Siao en lébé penting wo im baya-waya, ampa'paan Siao si luluna, si kataré-taré tinou sumawel an uner é tou imatéo.

Ibrani 2:10

Si Amang Kasuruan iméma'o im baya-waya, wo pakasa sé niéma'-Na itu torona Sia wo icasalé'-Na e makawali sé tou keli a rarayo wo in sisiri'-Na. Wo pinusé'-Nao si Yesus mamuali Lumolowir si makaleke-lekep, en lalanna musti mendam owo ing kawenduan akar imaté. Si Yesus ituo e muka' in lalan torona é tou wosama' ro'na makéré ing kalowiran.

Wahyu 1:5

Wo en upus aitambér wo eng kaeluran itu ka'i mai asi Yesus Kristus owo. Siao en sairi le'tek, wo eng kataré-taré itumou sumawel an uner é tou imaté, wo ka'i e makakawasa a sé kolano asi cayo'baan anio'. Sia mengaupus icita, wo mekar ing kamesé-meséaanta ang karapi in enda'-Na.