Kisah Para Rasul 26:17 - En Taar Weru a nunuwu' é Tontemboan

¹⁷ Asi endo maai sa, ico okoien oka é bangsa Israel wo sé bangsa walina, taan ko lowiren-Ku oka an uner éra. Intarépé', ru'du'-Ku ko mangé ai séra,

Kisah Para Rasul 26:17 ပူးပေါင်းရင်းမြစ်များ

Kisah Para Rasul 13:50

Taan sé tou Yahudi sé cumélong in Taar i Amang Kasuruan itu, séra memaso-maso' in léwo' a sé wéwéné sé mengaapo' a si Amang Kasuruan sé awéan pengaru wo ka'i a sé kikiiten ang kota itu. Wo okoien éra si Paulus wo si Barnabas wo yusér éra en tumela'u in sangkum itu.

Kisah Para Rasul 16:39

Wo séra mai mekiampung a si Paulus wo si Silas. Wo iwali éra sé rua ruru'du'- an itu icesot am bui, wosama' séra tumela'u ing kota itu.

Kisah Para Rasul 17:10

Asi wengi ituke', sé tou maéman an Tesalonika rumu'du' si Paulus wo si Silas mangé am Berea. Wo an tutuw éra icateka' mangé am bitu, séra mangé am balé paapo'an é agama Yahudi.

Kisah Para Rasul 17:14

Ampa'paan in itu sé tou maéman ang kota itu rumu'du' si Paulus e mario-rior mangé an ta'sic. Taan si Silas wo si Timotius makaento'pé' am Berea.

Kisah Para Rasul 18:10

Yaku mewali-wali wo ico, wo ra'ica wana esaan tou e ro'na misu' wo mokoi ico, ampa'paan keli tou ang kota anio' maéman a Yaku.”

Kisah Para Rasul 25:3

Pangileken éra a si gubernur wosama' méé kaloasan e rumu'du' tou maali si Paulus an Yerusalem, ampa'paan séra mawasa-wasa e maté isia an uner in lalan.

Kisah Para Rasul 28:28

Wo icua ka'i i Paulus, “Musti kailekan iow sa en abar andumoro' ing kalowiran itu aicuao a sé tou ra'ica Yahudi wo tantu teriman éra oka, anaé séra tantu lowiren oka.” [

Kisah Para Rasul 9:15

Taan icua i Casuruan a si Ananias, “Mangéo ko! Sinisir-Kuo si tou itu e mamuali ata-Ku eng kumua in Abar Kaaruien andumoro' Yaku a sé bangsa walina, a sé kolano wo ka'i a sé tou Israel.

Roma 11:13

Taan intarépé' icuaku ai camu é bangsa ra'ica Yahudi: Yaku ayutusai mamuali ruru'du'an i Apo' Yesus eng kumua in Abar Kaaruien a sé tou ra'ica Yahudi. Wo anggapenku en tawoien itu patus irayo.

Roma 15:16

Yaku mamuali ata maselewir a si Kristus Yesus e mengakua in Abar Kaaruien andumoro' i Yesus Kristus a sé tou ra'ica Yahudi. En tawoienku tanu in tawoien é imam si mengawéé i raragés, ampa'paan aku makawali sé tou ra'ica Yahudi a si Amang Kasuruan wosama' séra teriman-Na tanu raragés si casalé'-Na wo si line'naso i Roh Le'nas.

Galatia 2:9

Si Yakobus, si Kefas, si Yohanes sé nianggap kikiiten kumataré-taré an jamaat an Yerusalem, an tutuw éra isuméré in upus aitambér i Amang Kasuruan a yaku, séra membéan ing kama a yaku wo si Barnabas tanu tuus séra imeesao wo icami. Wo séra wo icami mengkakiitano sapaoka kami melala'us tumawoi torona é tou ra'- ica Yahudi wo séra in telu kasake' tumawoi torona é tou Yahudi.

1 Timotius 2:7

Siituo imangémai aku sinisir i Amang Kasuruan mamuali ruru'du'an-Na e mangé a sé tou ra'ica Yahudi eng kumua in abar andumoro' im paémanen wutul. Pakasa sé aicuaku anio' ulit! Yaku ra'ica matowo.

2 Timotius 1:11

Sinisir i Amang Kasuruan aku mamuali ruru'du'an-Na wo guru eng kumua in Abar Kaaruien andumoro' i Yesus Kristus a sé tou.

2 Timotius 3:11

Kailekanmu ka'i tambisa sé tou mokoi yaku ang kota Antiokhia, an Ikonium wo an Listra akar aku mawendu ulit. Taan aku aiwekar i Casuruan am pakasa in itu.