Kisah Para Rasul 25:2 - En Taar Weru a nunuwu' é Tontemboan

² A mangé mbitu, sé kikiiten é imam wo sé tou Yahudi sé pasiri-siriin mai meta'up wo isia eng kumua in tuduan éra a si Paulus.

Kisah Para Rasul 25:2 ပူးပေါင်းရင်းမြစ်များ

Kisah Para Rasul 24:1

Lumangkoio lima ngando, mai si imam wangko' Ananias, sé matu'a é tou Yahudi, wo si esa pembéla makangaran Tertulus. Séra im baya sumaru asi gubernur Feliks wo kumua im ipatudu éra a si Paulus.

Kisah Para Rasul 25:15

An tutuwku an Yerusalem, sé kikiiten é imam wo sé matu'a é tou Yahudi mai mower ing kaléwo-léwo'an i tou itu a yaku wo pangileken éra wosama' sia makéré ukuman.

Kisah Para Rasul 25:24

An tutuw i Paulus am bituo, icua i gubernur Festus, “Kolano Agripa si pasiri-siriinku wo sé pakasa in tou sé imewali-wali wo icami am bia'i. Séréno mai si tou anio', si patudun é pakasa in tou Yahudi an Yerusalem wo sé ang Kaisarea am bia'i. Séra imayo a yaku wo mangilek ang karapi i mengangko-ngangko' sapaoka sia musti makéré in ukumen patén.

Kisah Para Rasul 28:17

Teluo ngando kami am bitu wo enoten i Paulus sé tou Yahudi sé pasiri-siriin e meta'up wo sia. Wo an tutuw éra imali'uso, icuana ai séra, “Poo-poow! Yaku am bia'i ampa'paan tinangka' é tou Yahudi an Yerusalem wo isarakan éra aku a sé pemerénta Romawi. Taan aku ra'ica iméma' kaséaan sapa-sapa en sumundur sé taranakta wo ka'i ra'ica kumélong ing kanaramen é apo-apo'ta.

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.