Kisah Para Rasul 25:18 - En Taar Weru a nunuwu' é Tontemboan

¹⁸ Wo asi témpo itu, sé tou matudu isia tumulung lumi'cir isia wo icua éra en aitudu éra ai sia. Taan pakasa en aitudu éra itu, ra'ica andumoro' ing kaléwo-léwo'an tanu im pawero-werotenku.

Kisah Para Rasul 25:18 ပူးပေါင်းရင်းမြစ်များ

Yohanes 18:31

Icua i Pilatus ai séra, “Iwalio Sia icesot, wo akimeno mangé Sia iciit in atoran iow.” Icua é kikiiten é tou Yahudi, “Ra'ica toro kami mukum si esaan tou em patén.”

Kisah Para Rasul 18:14

Taan an tutuw i Paulus tumo'tolo woo rumoma', icua i gubernur Galio a sé tou Yahudi itu, “Éi camu, tou-tou Yahudi! Sa tudun iow si tou anio' iméma'o esa kameséaan kuma'pa kaléwo'an, tantu musti urusenku sé ipatudu miow itu.

Kisah Para Rasul 25:17

Ampa'paano in itu an tutuw éra mai am bia'i, ra'io ipauré-uréku wo mio' mando mai makala'us sidangenku em perkarana itu am pengadilan. Wo iru'du'ku tou makawali mai sia en sumaru a yaku.

Kisah Para Rasul 25:19

Séra asaloke' meindo-indoan roma' wo isia andumoro' in agama éra wo andumoro' si esa tou makangaran Yesus. Si Tou itu kiné imatéo, taan icua i Paulus si Tou itu itumou sumawel.

Kisah Para Rasul 25:5

Ampa'paan ituo icuana, “Aweso taré sé kikiiten iow kumiito mewali-wali mangé wo yaku maangé am bitu. Sa a mangéo mbitu, ro'na icua miow en tuduan iow andumoro' si Paulus, sa sia wutu-wutul iméma'o kaléwo-léwo'an.”