Kisah Para Rasul 25:16 - En Taar Weru a nunuwu' é Tontemboan

¹⁶ Taan icuaku ai séra, eng kanaramen é tou Romawi, sa awéan esa tou tinudu, si tou itu ra'ipé' toro isarakan en ukumen sa sia ra'ipé' meta'up wo sé tou tumudu isia wo winéan témpo e méla in owakna.

Kisah Para Rasul 25:16 ပူးပေါင်းရင်းမြစ်များ

Lukas 12:11

Sa awéan tou makawali icamu am balé-walé paapo'an é agama Yahudi in akimen kuma'pa a sé pemerénta kuma'pa a sé tou walina sé makatimboi ing kakawasaan, tioo kamu maindé' tumambisa e musti méla in owak iow, kuma'pa sapa e musti icua miow.

Yohanes 7:51

“Sa kumiit in ukum Torat, ro'na réén kita mukum si esa tou an tutuw ra'ipé' liningata sia rumoma' wo ra'ipé' kailekanta sapa sé niéma'na?”

Kisah Para Rasul 23:30

Wo awéan tou en icumua a yaku sapaoka sé tou Yahudi meesa mawasa-wasa i maté isia. Siituo, makala'us ru'du'ku sé suraroku makawali mangé isia a si tuang. Wo ru'du'ku ka'i sé tou matudu isia wosama' séra maali im perkara itu a si tuang.”

Kisah Para Rasul 23:35

Icua i gubernur ai sia, “Periksanku oka em perkaramu, sa sé tou sé tumudu ico icateka'o mai am bia'i.” Kekawus in itu, iru'du'na si Paulus tangen an istana i Herodes.

Kisah Para Rasul 26:1

Wo icua i colano Agripa a si Paulus, “Intarépé', wéanku kaloasan ko e rumoma' e méla in owakmu.” Wo si Paulus méé tuus mangkai ing kamana wo kumua,