Kisah Para Rasul 25:12 - En Taar Weru a nunuwu' é Tontemboan

¹² Kelinga in itu, si Festus meroma' wo sé tou mengawéé sina'u ai sia. Wo icuana a si Paulus, “Ico mangileko sumosor im perkara en sidangen i Kaisar Romawi, anaé ico musti mangé meta'up wo isia.”

Kisah Para Rasul 25:12 ပူးပေါင်းရင်းမြစ်များ

Matius 22:17

Anaé, icua mai i Guru ai cami, sa iciit si Guru, ro'na réén kami mér im pajak a si Kaisar kuma'pa ra'ica?”

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

Kisah Para Rasul 23:11

Asi woondona mai tutuw i mawengio, si Apo' Yesus mai tumulung an duru i Paulus wo kumua, “Ico ra'ica toro maindé'! Kete-ketereno en atému. Ico imééo kasairian andumoro' Yaku a sé tou Yerusalem anio' wo ka'i ko musti mangé méé kasairian tanu sia'i andumoro' Yaku a Roma.”

Kisah Para Rasul 25:11

Sa aku wutul iméma' ing kaséaan kuma'pa ing kaléwo-léwo'an si patus makéré in ukuman patén, yaku tu'tulo maté. Taan ka'icé', sa pakasa en aitudu éra a yaku ra'ica wutul, ra'ica wana mandé esake' tou e ro'na musé' en sumarakan yaku ai séra. Sa tana'i, pangilekenku em perkaraku isosor en sidangen i Kaisar Romawi!”

Kisah Para Rasul 25:13

An tutuw ilumangkoio pira ngando, si colano Agripa mangé ang Kaisarea mewali-wali wo si tuarina wéwéné makangaran Bernike. Séra imangé am bitu e mangé méé in siri' ampa'paan si Festus werupé' imamuali gubernur.

Kisah Para Rasul 25:21

Taan aicuake' i Paulus sapaoka em perkarana isosorna en sidangen i Kaisar Romawi. Pangilekenna a yaku wosama' sia tangen owo akar si Kaisar in esa e musé' im perkarana. Ampa'paan ituo iru'du'ku sia tangen akar aku ro'nao kumirim isia a si Kaisar Romawi.”

Kisah Para Rasul 26:32

Wo icua i colano Agripa a si Festus, “Si tou itu ro'nao woo iwekar sa sia ra'ica imangilek sumosor im perkarana en sidangen i Kaisar Romawi.”

Kisah Para Rasul 27:1

Pinusé'o i gubernur Festus eng kumirim icami im baya maangé a Roma an Italia. Anaé, si Paulus wo piraan tou sé binui walina aisarakan a si esa kikiiten é suraro, makangaran Yulius. Sia pasukan i Kaisar Romawi.

Kisah Para Rasul 28:16

Ampa'paan kami icateka'o a Roma, si kikiiten am bitu méé kaloasan a si Paulus wosama' ra'ica tangen an untep im bui. Sia ro'na mento' an esa walé mewali-wali wo si esa suraro si makatéir sia.

Filipi 1:20

En icasalé'ku wo em paarapenku wosama' aku ra'- ica papalawi' mengaéma' in tawoien si aiwéé i Amang Kasuruan. Wo em butulna en casalé'ku sapaoka intarépé' aku kasake' ra'ica maindé' mengakua andumoro' i Kristus kaputé indior. Anaé aku menonou kuma'pa maté ra'ica sapa-sapa, em penting keli si Kristus em parayo wo pasiriin am pakasa sé pengaémaanku.