Kisah Para Rasul 25:10 - En Taar Weru a nunuwu' é Tontemboan

¹⁰ Isowat i Paulus, “Yaku tou Romawi. Intarépé' aku makatulung an tampa pengasidangan im perkara é tou Romawi. Anaé, yaku musti sidangen am bia'i, ra'ica an Yerusalem. Kailekano wutu-wutul i tuang, sa aku ra'ica iméma' ing kaséaan sapa-sapa a sé tou Yahudi.

Kisah Para Rasul 25:10 ပူးပေါင်းရင်းမြစ်များ

Matius 27:18

Sia mamuéi in taniitu, ampa'paan kailekanna sapaoka aisarakan é kikiiten é tou Yahudi si Yesus ampa'paan séra mangana-nganat ai Sia.

Matius 27:19

Ang karoro'an i Pilatus makalukut am paakiman wo mai en taar si aicirim i penanaanna ai sia, “Tioo ko marambét am perkara i Tou wutul itu, ampa'paan Siao akar aku kawengi mangipi léwo'.”

Kisah Para Rasul 23:29

Taan kinailekanku sapaoka sia tinudu andumoro' in atoran an ukum Torat. Taan ra'ica wana tuus en tumuru' sa sia patus makéré ukuman patén kuma'pa yuntep am bui.

Kisah Para Rasul 25:17

Ampa'paano in itu an tutuw éra mai am bia'i, ra'io ipauré-uréku wo mio' mando mai makala'us sidangenku em perkarana itu am pengadilan. Wo iru'du'ku tou makawali mai sia en sumaru a yaku.

Kisah Para Rasul 25:25

Taan an tutuwku in sumidang im perkarana, ra'ica kinéréanku mandé esake' eng kameséaanna si patus makéré in ukuman patén. Wo ampa'paan sia in esa e imangilek im perkarana isosor en sidangen i Kaisar Romawi, anaé puséénku eng kumirim isia sumaru a si Kaisar.

Kisah Para Rasul 25:6

Si Festus imento' an Yerusalem wona' walu kuma'pa sangapulu' ngando, kekawus ako in itu sia maréng angé sumawel ang Kaisarea. Mando mai sia sumidang e murus im perkara i Paulus wo ka'i ru'du'na tou makawali si Paulus e mai saru ai sia.

Kisah Para Rasul 26:31

Ang karoro'an i makesot am bitu, séra mengkung-kuanan, “Si tou itu ra'ica iméma' ing kameséaan sapa-sapa e méma' sia patus makéré in ukuman patén kuma'pa yuntep am bui.”

Kisah Para Rasul 28:18

An tutuw é tou Romawi itu meriksa yaku a mangé mbitu, ra'ica kinéréan éra eng kaséaanku si ro'na méma' yaku makéré in ukuman patén. Ampa'paan in ituo aku aiwekar éra.

2 Korintus 4:2

Ra'ica kiim ami iméma' in tawoien anio' maké ing kanaramen sé ipaene-enep wo sé kalawiin. Wo ra'ica kiim ami matawoi ang karapi imauwak wo mengasélé'kow in Taar i Amang Kasuruan. Taan sé ipakua ami andumoro' sé wutul an dior i Casuruan, wo in taniitu icami maarap wosama' pakasa in tou numilai sumama-sama' ai cami an dior i Amang Kasuruan iciit in até weresi éra.