Kisah Para Rasul 24:5 - En Taar Weru a nunuwu' é Tontemboan

⁵ Tana'i é tuang, si tou anio' tatap mengaéma' in léwo' wo am bisa-wisa sia mengaéma' ing kalicokoan a sé tou Yahudi am pakasa ing kayo'baan. Sia mamuali kikiiten ing golongan Nasrani.

Kisah Para Rasul 24:5 ပူးပေါင်းရင်းမြစ်များ

Matius 10:25

Loor sa si esa murit mamuali puté wo si guruna wo si esa ata puté wo si tuangna. Sa si makawalé patuulen im Beelzebul, wopé'taré pakasa sé am balé itu, tantu ngaranan oka éra in lébé wurukai.

Matius 2:23

Icateka' mangé séra ang Galilea, séra mento' ang kota makangaran Nazaret. Wo in taniitu, en taar sé aicua é nabi andumoro' i Toyaang itu imamualio: Sia tuulen oka “Tou Nazaret.”

Markus 1:24

“Yesus tou Nazaret! Sapa en urusan-Mu wo icami? Mai-Mu réén patén kami? Kailekanku si séi-Ko, Icoo si Le'nas asi Amang Kasuruan owo.”

Lukas 23:19

Si Barabas anio' ayuntep am bui ampa'paan sia mengasundur sé pemerénta Romawi wo imaté tou ang kota itu.

Lukas 23:2

Icateka' mangé am bitu, séra tumo'tolo matudu Sia, icua éra, “Sinéréo ami wo lininga amio sapaoka si tou anio' mengasélé'kow sé tou ami tou Yahudi. Wo pengapéron-Na sé tou mengawér im pajak a si Kaisar Romawi wo ka'i makua sapaoka Siao si Kristus si Colano.”

Lukas 23:25

An tutuw itu si Barabas an untep im bui ampa'paan masundur sé pemerénta wo ka'i maté tou, anaé sia iwekar i Pilatus iciit in aituntut éra. Taan si Yesus aisarakanna a sé tou keli wosama' okoien éra kiit ing kasalé'an éra.

Lukas 23:5

Taan makarepetke' taré séra malesé' si Pilatus in tana'i, “Sia memaso-maso' sé tou in sususuien-Na am pakasa in tana' paento'- an é tou Yahudi, en sumundur sé pemerénta. Mangé ito'tol-Na mai ang Galilea wo akaro an Yerusalem anio'.”

Kisah Para Rasul 15:5

Taan am bitu awéan piraan tou Yahudi ang golongan Farisi sé maémano. Séra tumulung wo kumua, “Sé tou ra'ica Yahudi musti sunaten wo kumiit ing kanaramen si aisusui i Musa.”

Kisah Para Rasul 21:28

Séra mangko', “Éi tou Israel, tawangen kami! Siao si mangé am bisa-wisa e masusui pakasa sé tou ang karapi in sususuien sé makélong sé touta Israel wo en ukum Torat wo em Balé Le'nas anio'! Wo intarépé' sia makawali mai sé tou ra'ica Yahudi am Balé Le'nas anio' wo méma' in tampa le'nas anio' manajis!”

Kisah Para Rasul 22:22

An tutuw lingan é tou Yahudi sa si Amang Kasuruan irumu'du'o si Paulus mangé a sé tou ra'ica Yahudi, sé tou itu tumo'tolo maangko', “Si tou anio' ra'ica patus menonou. Paténo sia!”

Kisah Para Rasul 24:14

Taan an dior i tuang, pangakunku sapaoka yaku maapo' a si Amang Kasuruan si paapo'an é apo-apo' ami ang karapi i makiit in sususuien i Yesus Kristus. En sususuien itu pengatuulen éra sususuien imasélé'kow. Percayanku ka'i waya sé aipatic an ukum Torat wo sé ang kitap é nabi.

Kisah Para Rasul 24:4

Taan ra'ica icasalé' ami menia-nia' in témpo i tuang, anaé pangilekenku a si tuang si taupus wosama' linganai toyo' sapa en icua ami anio'.

Kisah Para Rasul 25:7

Icateka' mangé si Paulus am bitu, pakasa sé tou Yahudi sé an Yerusalem owo, tumulung lumi'cir isia. Wo icua éra a si gubernur kelian tuduan uter andumoro' si Paulus. Taan pakasa em ipatudu éra ai sia itu ra'ica wana tuus.

Kisah Para Rasul 26:5

Uréo séra makatuus yaku. Sa woo séra masalé', séra ro'na sumairi an dior i tuang sapaoka aku uréo menonou mamuali tou Farisi, si golongan wutu-wutul makiit wo mengaéma' in ukum Torat.

Kisah Para Rasul 28:22

Taan kami in esa masalé' luminga ai co andumoro' in sususuien é golongan Nasrani itu. Kailekan ami am bisa-wisa awéan sé tou makélong in sususuien itu.”

Kisah Para Rasul 5:17

Asi témpo itu, si imam wangko' wo sé tou Saduki sé makii-kiit isia, manganat keli a sé ruru'du'an wo tindaken éra.

Kisah Para Rasul 6:13

Asi tampa itu ru'du' éra piraan tou en sumairi in towo andumoro' i Stefanus. Icua é tou sé mengasairi itu, “Si tou anio' ra'ica mento' mengawéé in léwo' andumoro' im Balé Le'nas anio' wo en ukum Torat.

1 Korintus 11:19

Wutul musti awéan papetanéan an uner iow, wosama' kaséréan oka sa si séi ai camu sé wutu-wutul le'tek maéman a si Amang Kasuruan.

1 Korintus 4:13

Sa awéan tou manuwu' in léwo' andumoro' icami, suliin ami séra i nunuwu' mengaarui. Akar intarépé' sé tou ing kayo'baan anio' maanggapé' icami tanuoka i noo wuruk sé ra'ica wana torona.

1 Petrus 2:19

Sa awéan ai camu meta'up ing kawenduan mandé kamu ra'ica wana kaséaan wo talesen sumaru in itu wo ampa'paan ka'i kailekan iow en itu kasalé'an i Amang Kasuruan, kamu tambéran oka mai ing kamang i Amang Kasuruan.