Kisah Para Rasul 24:25 - En Taar Weru a nunuwu' é Tontemboan

²⁵ Wo icua i Paulus tumambisa sé tou menonou wutul an dior i Amang Kasuruan, tumambisa eng kumawasa in owak wosama' ra'ica méma' ing kamesé-meséaan wo ka'i andumoro' in endo sé tou akimen i Amang Kasuruan. Kelingana in itu, sia makala'us maindé' wo icuana, “Taniitupé'owo, wo mangéo ko. Kawisa mangé sa awéano témpo loor towanku oka sumawel ko.”

Kisah Para Rasul 24:25 ပူးပေါင်းရင်းမြစ်များ

Matius 22:5

Taan ra'ica pinandung é tou nienot itu. Awéan sé imangéke' itumawoi an uma wo sé walina ka'i imangéke' murus im paraméjian éra i esa wo si esa.

Yohanes 16:8

Sa Sia mayo, ituru'-Na oka a sé tou ang kayo'baan andumoro' ing kamesé-meséaan wo andumoro' si wutul, wo andumoro' in ukuman i Amang Kasuruan si maai oka.

Kisah Para Rasul 10:42

Wo ru'du'-Na kami kumua in Abar Kaaruien andumoro' i Yesus Kristus a sé pakasa im bangsa wo masairi sapaoka Sia si aitantuo i Amang Kasuruan e mai makim pakasa sé tou menonoué' wo sé tou imatéo.

Kisah Para Rasul 17:13

Taan an tutuw kailekan é tou Yahudi sé an Tesalonika owo sapaoka si Paulus makua ka'i in taar i Amang Kasuruan am Berea wo séra mangé am bitu e memaso-maso' in léwo' a sé tou am bitu akar sé tou keli ra'io makaaté in sama'.

Kisah Para Rasul 17:2

Tanu ing kanaramen, si Paulus muntep am balé paapo'an é agama Yahudi itu. Wo makatelu in endo Sabat mengking-kiitan, sia muntep am balé paapo'an memaa-maar wo sé tou andumoro' im bagéan-bagéan ing Kitap Le'nas.

Kisah Para Rasul 17:32

An tutuw iluminga sapaoka sé tou imatéo ro'na touen sumawel wo sia aiséro'ke' é piraan tou ai séra. Taan sé walina makua, “Kawisa oka mangé lingan ami en aicuamu tarépé'.”

Kisah Para Rasul 2:37

An tutuw éra luminga waya in itu, en até éra mendam i manesel wo séra mamuéi a si Petrus wo sé ruru'du'an walina, “Poo-poow, sapa réén e musti émaan ami?”

Kisah Para Rasul 24:15

Yaku ka'i maarap a si Amang Kasuruan meputé wo iséra, sapaoka kawisa mangé pakasa in tou sé matéo touen oka sumawel, sama' sé tou wutul kuma'pa tou ra'ica wutul.

Kisah Para Rasul 24:26

Ang karoro'an in itu, paara-arapenna si Paulus méé roit ai sia. Ampa'paan in ituo penowa-nowanna si Paulus e memaa-maar wo isia.

Kisah Para Rasul 26:28

Wo icuana a si Paulus, “Paulus, tawio émaanmu aku mamuali tou Krésten asi témpo ra'ica uré anio'!”

Kisah Para Rasul 9:6

Taan intarépé' tumulungo ko wo muntepo an Damsyik. A mangé mbitu awéan oka eng kumua ai co, sapa si musti émaanmu.”

Roma 12:1

Poo-poowku an esa paémanen! Ampa'paan si Amang Kasuruan itumuru'o ing kaupusan-Na ai cita, ampa'paano in itu sina'uenku kamu wosama' kamu méé in owak iow tanu raragés menonou, si le'nas wo ka'i si méma' in até-Na arui. Siituo em pengaapo' iow si mauli-ulit.

Roma 14:12

Anaé, kita si esa wo si esa musti méé panowaten a si Amang Kasuruan andumoro' im pakasa sé niéma'tao.

Roma 2:16

Tanu siituo e imamuali asi endo kaka'puan ing kayo'baan sa. Asi endo itu si Amang Kasuruan méé kawasa a si Kristus Yesus e makim waya sé icaenep an até é tou wo sé pawero-weroten é tou. Siituo sé ipakuaku iciit in Abar Kaaruien andumoro' i Yesus Kristus.

1 Korintus 4:5

Ampa'paan in tuo tioo kamu mario-rior en tumantu si esa tou meséa' kuma'pa ra'ica, sa ra'ipé' an témpona. Entoon akar si Apo' Yesus maai sumawel. Sia oka e muka' im pakasa sé pakaenep é tou ang kariréimbengan wo Sia oka ka'i en tumuru' pakasa em pawasa-wasan é tou an até. Asi témpo itu oka ka'i si Amang Kasuruan méé mai i rarayo a sé tou asi esa wo si esa sé patus tumerima i rarayo.

2 Korintus 5:10

Ampa'paano icita im baya uli-ulit sumaru oka an dior i Kristus in akimen wo iesa wo esa tou makéré oka in susuli' kumiit sapa sé pinengaéma'na ang kauré menonou asi kayo'baan anio', loor kuma'pa léwo'.

2 Korintus 6:2

Ampa'paan icua i Amang Kasuruan, “Asi témpo si sinisir-Kuo, ico lininga-Kuo, wo asi endo ing kalowiran, ico tinawang-Kuo.” Ta'néien iow sumama-sama', asi ya'sa anioo en témpo sinisir i Amang Kasuruan itu. Wo asi ya'sa anioo si endo ing kalowiran torona miow.

Galatia 3:22

Taan ang Kitap Le'nas aipatic pakasa in tou ang kakawasaan ing kamesé-meséaan. Ampa'paano in itu wayake' sé tou maéman a si Yesus Kristus e ro'na tumerima in janji i Amang Kasuruan itu.

Galatia 5:23

ko'kos en até, kumawasa in owak. Ra'ica wana ukum e ro'na sumundur sé tou mengaéma' pakasa in itu.

2 Timotius 4:1

Si Kristus Yesus maai oka sumawel wo Sia mai kumawasa tanu Kolano. Siao e makim sé tou menonoué' wo sé tou imatéo. Ampa'paano in itu intarépé' an dior i Amang Kasuruan wo si Kristus Yesus, uli-ulit icuaku ai co é Timotius wosama':

Titus 1:8

Taan séra musti masalé' materima sé tou walina en lumosér am baléna, masalé' mengaéma' sé loor, pinter, ra'ica marapit, menonou le'nas wo makawoo tumang ing kasalé'an in owak.

Ibrani 12:21

Kaindéén keli sapa sé sinéré é tou Israel akar cua i Musa, “Yaku maindé' keli wo gume'ger!”

Ibrani 3:13

Taan aweso taré kamu mensin-sina'uan angé susur in endo, ang kauré ro'napé' patuulen ‘endo anio'’. Wo in taniitu ra'ica wana ai camu eng kumeté oka in até ampa'paan kinauwakan ing kamesé-meséaanna.

Ibrani 4:1

Aijanji i Amang Kasuruan sapaoka sé tou maéman muntep oka an tampa pengaenaan e mena' mewali-wali wo Sia. Wo en janji itu awéané' akar intarépé'. Ampa'paan in ituo mareti-retio mangé oréoka awéan esaan ai camu ra'ica muntep asi tampa pengaenaan itu.

Ibrani 6:2

kuma'pa sususuien in andumoro' im baptisan, sususuien in andumoro' i maro ing kama am bawo in do'kos, sususuien in andumoro' sé tou imaté tumou sumawel, wo sususuien in andumoro' in ukuman akar ing kauré-uré.

Ibrani 9:27

Kaputé in tou aitantuo mai i Amang Kasuruan wayake' i makasa maté wo kumawus in itu akimen.

Yakobus 2:19

Percayan iow sapaoka waya in esa si Amang Kasuruan, en itu loor! Taan sé sétang ka'i mercaya andumoro' in itu wo séra gume'ger in indé'.

1 Petrus 3:15

Taan irayoo wo siriino mangé si Kristus an até miow wo émaano Sia merénta ai camu. Wo kamu musti tu'tul en sumowat kawisake' mangé sa awéan tou mamuéi andumoro' sapa si paara-arapen iow asi Apo' Yesus. Wo sowateno mangé séra ang karapi ing ko'kos en até wo ang karapi in siri'.

2 Petrus 1:6

Wo asi kapinteran iow itu musti awesan iow i makawoo kumawasa in owak. Wo asi kumawasa in owak itu musti awesan iow ka'i ing katalesenan mengasaru im baya-waya. Wo asi katalesenan mengasaru im baya-waya musti ka'i awesan iow i menonou le'tek a si Amang Kasuruan.

1 Yohanes 3:10

Si anioo en tuus toya-toyaang i Amang Kasuruan wo toya-toyaang i kikiiten é sétang: En tou si ra'ica maéma' im butul wo ra'ica mengaupus sé poo-poowna, sia itu ra'ica asi Amang Kasuruan owo.

1 Yohanes 3:7

Toya-toyaangku, kamu ra'ica toro isélé'kow é tou walina. Séi si maéma' im butul, sia itu tou wutul puté wo si Kristus itu wutul.