Kisah Para Rasul 24:14 - En Taar Weru a nunuwu' é Tontemboan

¹⁴ Taan an dior i tuang, pangakunku sapaoka yaku maapo' a si Amang Kasuruan si paapo'an é apo-apo' ami ang karapi i makiit in sususuien i Yesus Kristus. En sususuien itu pengatuulen éra sususuien imasélé'kow. Percayanku ka'i waya sé aipatic an ukum Torat wo sé ang kitap é nabi.

Kisah Para Rasul 24:14 ပူးပေါင်းရင်းမြစ်များ

Matius 10:32

Si séi e mangaku an dior é tou sapaoka sia makiit Yaku, pangakun-Ku oka ka'i sia tou-Ku an dior i Amang-Ku an sorga.

Matius 22:40

Asé rua ukum anioo em patuuran im pakasa in ukum Torat wo in sususuien é nabi.”

Matius 7:12

Sapa sé icasalé' miow émaan é tou walina ai camu, tanu siituo si musti émaan iow a sé tou itu. Siituo en sususuien ang kitap Torat wo ang kitap é nabi.”

Lukas 1:70

Tanu si aitaaro i Amang Kasuruan indior, sé ipakua-kuao é nabi-Na sé le'nas.

Lukas 16:16

Eng kitap-kitap sé aipatic i Musa wo eng kitap-kitap sé aipatic é nabi walina, tatap pengapakéné' akar an jaman i Yohanes Mabaptis menonoué'. Wo tumo'tolai an jaman itu en Abar Kaaruien andumoro' ing Kakolanoan i Amang Kasuruan tumo'tolo ipakua-kua wo sé tou uli-ulit rumaméji mamuali tou-Na ang Kakolanoan-Na.

Lukas 16:29

Taan icua i Abraham, ‘Ai séra awéano eng kitap-kitap si aipatic i Musa wo ka'i eng kitap-kitap é nabi! Mandéo séra kumiit sapa sé aipatic ang kitap-kitap itu.’

Lukas 24:27

Wo isisil-Na waya ai séra in dua sapa sé aipatic am pakasa ing Kitap Le'nas andumoro' in owak-Na, tumo'tolai ang kitap-kitap aipatic i Musa akar ang kitap-kitap aipatic é nabi walina.

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Yohanes 1:45

Wo si Filipus mangé meta'up wo si Natanael, icuana ai sia, “Aipeta'upo ami Sia si aicua i Musa ang kitap Torat, wo si pakua é nabi. Siao si Yesus a Nazaret owo toyaang i Yusuf.”

Kisah Para Rasul 10:43

Indior, pakasa sé nabi isumangkumo kumua andumoro' Sia. Icua éra sa sé tou maéman ai Sia, makéré oka kaampungan ing kamesé-meséaan ampa'paano i ngaran-Na.”

Kisah Para Rasul 13:15

Kekawus i maca in ukum Torat wo ing kitap é nabi, sé kikiiten am balé paapo'an itu rumu'du' tou eng kumua a si Paulus wo si Barnabas tana'i, “Poo-poow, sa awéan ai camu e méé sina'u eng kumeter im paémanen é tou anio', icuao mai!”

Kisah Para Rasul 15:5

Taan am bitu awéan piraan tou Yahudi ang golongan Farisi sé maémano. Séra tumulung wo kumua, “Sé tou ra'ica Yahudi musti sunaten wo kumiit ing kanaramen si aisusui i Musa.”

Kisah Para Rasul 19:23

An tutuw itu, an Efesus imarinca'o ampa'paan en sususuien andumoro' im basa i Amang Kasuruan en lumowir sé tou, ra'ica icasalé' é tou.

Kisah Para Rasul 19:9

Taan awéan piraan tou ra'ica kiim tumerima in sususuien i Paulus ampa'paan séra keté até. Wotaré ipemaa-maar éra in léwo' an dior é tou keli andumoro' im basa i Amang Kasuruan en lumowir sé tou iméma' ing kamesé-meséaan. Ampa'paano in itu itela'u i Paulus séra wo towanna sé tou maéman a si Yesus kumesot am balé paapo'an é agama Yahudi. Wo susur in endo sia maroma' ang karapi é tou am pakuliaan, si ningaranan Tiranus.

Kisah Para Rasul 22:14

Wo icua i Ananias a yaku tana'i, ‘Ico, aitantuo i Amang Kasuruan si paapo'an é apo-apo'ta, wosama' ro'na kailekanmu eng kasalé'an-Na wo ka'i suméré si Yesus Si Wutul itu wo ka'i luminga in suara si lumembo am ba'ba'-Na.

Kisah Para Rasul 24:22

Kekawus i Paulus kumua in taniitu, si gubernur Feliks si makailek wutul in sususuien i Yesus Kristus, en lumando woo im perkara itu. Icuana, “Em perkara miow, puséénku oka sa si Lisias si kikiiten é suraro Romawi icateka'o am bia.”

Kisah Para Rasul 24:5

Tana'i é tuang, si tou anio' tatap mengaéma' in léwo' wo am bisa-wisa sia mengaéma' ing kalicokoan a sé tou Yahudi am pakasa ing kayo'baan. Sia mamuali kikiiten ing golongan Nasrani.

Kisah Para Rasul 25:8

Taan si Paulus méla in owak, icuana, “Mandé teké'ke', aku ra'ica kawisa mako méma' kaséaan. Yaku ra'ica iméma' sapa-sapa en sumundur in ukum Torat wo ra'ica méma' kaséaan am Balé Le'nas wo ka'i ra'ica iméma' kaséaan a si Kaisar Romawi.”

Kisah Para Rasul 26:22

Taan yaku tinawang i Amang Kasuruan, siituo aku menonoué' akar asi endo anio'. Wo intarépé' aku makatulung am bia'i e méé kasairian andumoro' si Yesus ai camu im baya, tou sé iparangka-rangka' kuma'pa tou sé ipawawa-wawa'. Pakasa sé aicuaku itu meputé sé aicuao i Musa wo sé nabi indior.

Kisah Para Rasul 26:27

Kolano Agripa si pasiri-siriinku, percayan réén i colano sapa sé aipatic é nabi indior? Kailekanku sapaoka en itu percayan i colano.”

Kisah Para Rasul 26:4

Kailekan waya é tou Yahudi sa tambisa eng katouanku an doongku tumo'tolai aku i mangalitoué', ampa'paan ketoukuke' mai yaku menonou an uner é bangsaku an Yerusalem.

Kisah Para Rasul 26:6

Intarépé' aku aisaru am pengadilan anio' ampa'paan aku maarap in janji si aiwéé i Amang Kasuruan a sé apo-apo'ta,

Kisah Para Rasul 28:22

Taan kami in esa masalé' luminga ai co andumoro' in sususuien é golongan Nasrani itu. Kailekan ami am bisa-wisa awéan sé tou makélong in sususuien itu.”

Kisah Para Rasul 28:23

Wo séra tumantu esa endo e meta'up sumawel wo si Paulus. Wo asi endo itu kelian sé imai an tampa pakaento'anna. Wo sia kumua wo masairi ai séra andumoro' si Amang Kasuruan Kumawasa tanu Kolano. Sia ka'i maké in tuu-tuus an ukum Torat wo eng kitap é nabi e rumaméji wosama' kailekan éra wo émanen éra sa si Yesus itu si Mesias. En itu imamuali tumo'tol i mamoondo akar im bawaando.

Kisah Para Rasul 3:13

Si Amang Kasuruan si pengaapo'an é apo-apo'ta Abraham, Ishak wo si Yakub, Siao e méma' si Yesus ata-Na itu iparayo-rayo wo pasiri-siriin. Si Yesus ituo si aisarakan iow wo aicélong iow an dior i Pilatus em patén, mandé ka'i si Pilatus e musé'o e mekar woo Sia.

Kisah Para Rasul 5:30

Si Amang Kasuruan si paapo'an é apo-apo'ta, Siao en tumou sumawel si Yesus si aisalip iow.

Kisah Para Rasul 7:32

‘Yakuo si Amang Kasuruan si pengaapo'an é apo-apo'mu Abraham, Ishak wo si Yakub.’ An tutuw i luminga in suara itu, si Musa gume'ger in indé' wo ra'io brani suméré.

Kisah Para Rasul 9:2

e mangilek surat kawasa em paalin am balé-walé paapo'an é agama Yahudi an Damsyik wo sa ipeta'upna sé tuama kuma'pa wéwéné sé makiit in sususuien i Yesus, séra tangkaanna wo paalinna an Yerusalem.

Roma 1:9

Kamu ipenomba-nombayangku wo si Amang Kasuruano en sairi sapaoka aku uli-ulit mengasombayang torona miow. Siao si Amang Kasuruan si pengaselewiranku ang karapi in lekep en até an tutuwku mengakua in Abar Kaaruien andumoro' i Toyaang-Na.

Roma 3:21

Taan intarépé', aituru'o i Amang Kasuruan tumambisa wosama' sé tou anggapen-Na wutul, taan ra'ica ampa'paan mengaéma' in ukum Torat. En itu tanu in aipatic ang Kitap Torat wo ang kitap-kitap é nabi,

1 Korintus 11:19

Wutul musti awéan papetanéan an uner iow, wosama' kaséréan oka sa si séi ai camu sé wutu-wutul le'tek maéman a si Amang Kasuruan.

Galatia 5:20

mengaapo' a sé opo-opo', mengasihir, mengkaséké'an, meindo-indoan roma', menganganat, mengkae'bowan, mengawerotke' in owakna in esa, mengaéma' im petanéan, mengaéma' sé tou mentan-tanéan,

2 Timotius 1:3

Endo wo em bengi ipasombayangku wo mengakua i makapulu'sama' a si Amang Kasuruan ampa'paano ico. Pengakuaku i makapulu'sama' a si Amang Kasuruan si pengaselewirenku ang karapi in até weresi meputé wo im pengaémaan é apo-apo'ta indior.

Titus 3:10

Musti ka'i romaanmu mangé si tou maéma' ing kapetanéan an jamaat. Sa makaruao sina'uenmu sia wo ra'ica kiimna luminga, tioo ko mekarapi wo isia.

1 Petrus 1:11

Wo pati'tiren éra ka'i, kawisa wo tumambisa en itu mamuali, siituo em paangé-angén i Roh i Kristus si an untep in owak éra. An tutuw itu e Roh i Amang Kasuruan méé kasairian andumoro' ing kawenduan-kawenduan sé sangkumen oka i Kristus wo andumoro' i rarayo wo in sisiri' si kumiitai kekawus ing kawenduan itu.

Wahyu 19:10

Wo aku kumundu an dior ing kécéi i malaékat itu en sumiri' sia, taan icuana a yaku, “Tioo ko méma' taniitu a yaku! Ampa'paan yaku asaloke' ata i Amang Kasuruan kaputému wo kaputé é poo-poowmu an esa paémanen sé masairi andumoro' i Yesus. Apoono mangé si Amang Kasuruan, ampa'paan eng kasairian i Yesus ituo e méma' sé tou mengakua in Taar i Amang Kasuruan.”