Kisah Para Rasul 23:9 - En Taar Weru a nunuwu' é Tontemboan

⁹ Ampa'paano in itu, en am bitu malicokoo. Wo piraan sé makailek wutul in Torat asé golongan Farisi mai an dior wo méla si Paulus. Icua éra, “Sa kumiit icami, si tou anio' ra'ica isuméa'! Séi si makailek awéan roh kuma'pa malaékat imai wo rumoma' ai sia?”

Kisah Para Rasul 23:9 ပူးပေါင်းရင်းမြစ်များ

Markus 2:16

An tutuw itu, awéan ka'i sé makailek wutul in Torat ang golongan Farisi isuméré si Yesus makan mewali-wali wo sé matagi im pajak wo sé tou iméma' ing kamesé-meséaan. Wo wuéien éra a sé murit i Yesus, “Kéitu Sia makan mewali-wali wo sé matagi im pajak wo sé tou iméma' ing kamesé-meséaan?”

Lukas 23:22

Wo icua i Pilatus ing kumatelu a sé tou keli itu, “En ulitna, kaléwo'an sapa réén e niéma' i Tou anio'? Mandé esake', ra'ica wana eng kaléwo-léwo'an si kinéréanku ai Sia si patus makéré in ukumen patén. Anaé, ru'du'ku oka tou en sumambok Sia wo iwekarku oka.”

Lukas 23:4

Wo icua i Pilatus a sé kikiiten é imam wo a sé tou keli am bitu, “Ra'ica kinéréanku eng kaséaan i Tou anio' mandé esake'.”

Lukas 5:30

Keséré in itu, sé tou Farisi wo sé makailek wutul in Torat menge'bo-nge'bow a sé murit i Yesus wo icua éra, “Kéitu réén kamu kuman wo melep mewali-wali ang karapi é matagi im pajak wo sé tou iméma' ing kamesé-meséaan?”

Yohanes 12:29

Kelian tou makatulung am bitu iluminga in suara itu. Awéan tou en icumua en itu erut ing guntur, wo awéan ka'i sé makua sa en itu suara é malaékat sé mapaar wo si Yesus.

Kisah Para Rasul 11:17

Si Amang Kasuruan in esao en tumambérai i Roh Le'nas a sé tou ra'ica Yahudi itu, tanu ka'i si aiwéé-Nao ai cita an tutuwta imaémano a si Apo' Yesus Kristus. Anaé, si séi réén aku anio' akar ro'na sumémpér im pawasan i Amang Kasuruan?”

Kisah Para Rasul 22:6

Am bawayaanku matawio in Damsyik, wona' katoora i yéndo tumarépé'anke'mai sumendotai en sélap tuméla-télang an langit owo lumi'cir yaku.

Kisah Para Rasul 22:7

Wo aku makala'us icare'ba an tana' wo kalingaanku awéan suara makua in tana'i, ‘Saulus, Saulus, kéitu réén ko maoko-okoi Yaku?’

Kisah Para Rasul 23:29

Taan kinailekanku sapaoka sia tinudu andumoro' in atoran an ukum Torat. Taan ra'ica wana tuus en tumuru' sa sia patus makéré ukuman patén kuma'pa yuntep am bui.

Kisah Para Rasul 23:8

Séra meindo-indoan roma' ampa'paan tana'i, sé tou Saduki ra'ica mapercaya sa sé tou imatéo ro'na tumou sumawel. Wo ka'i ra'ica mapercaya sapaoka awéan roh wo malaékat. Taan, sé tou Farisi mapercaya sapaoka andumoro' in itu awéan waya.

Kisah Para Rasul 25:25

Taan an tutuwku in sumidang im perkarana, ra'ica kinéréanku mandé esake' eng kameséaanna si patus makéré in ukuman patén. Wo ampa'paan sia in esa e imangilek im perkarana isosor en sidangen i Kaisar Romawi, anaé puséénku eng kumirim isia sumaru a si Kaisar.

Kisah Para Rasul 26:31

Ang karoro'an i makesot am bitu, séra mengkung-kuanan, “Si tou itu ra'ica iméma' ing kameséaan sapa-sapa e méma' sia patus makéré in ukuman patén kuma'pa yuntep am bui.”

Kisah Para Rasul 27:23

Ampa'paan, kawengi si Amang Kasuruan si paapo'anku wo si makaanu yaku, rumu'du' mai si malaékat-Na mai tumulung an duruku.

Kisah Para Rasul 5:39

Taan sa en itu asi Amang Kasuruan owo, ra'ica kawooan iow sumundur iséra. Ra'ica kawooan iow eng kuma'pu iséra taan taré icamu in esao wona' en sumundur si Amang Kasuruan.” Kelinga éra in itu, sé anggota Mahkamah Agama tumerima in sama' pakasa sé aicua i Gamaliel.

Kisah Para Rasul 9:4

Wo sia icarepa an tana' wo kalingaanna awéan suara si makua in tana'i, “Saulus, Saulus, kéitu réén ko mengoko-ngokoi Yaku?”

1 Korintus 10:22

Sa kita kumiit kuman sé airagéso a sé roh léwo', niéma'tao si Casuruan mae'bow. Tioo mawerot icita en lébé keter wo si Casuruan.