Kisah Para Rasul 23:30 - En Taar Weru a nunuwu' é Tontemboan

³⁰ Wo awéan tou en icumua a yaku sapaoka sé tou Yahudi meesa mawasa-wasa i maté isia. Siituo, makala'us ru'du'ku sé suraroku makawali mangé isia a si tuang. Wo ru'du'ku ka'i sé tou matudu isia wosama' séra maali im perkara itu a si tuang.”

Kisah Para Rasul 23:30 ပူးပေါင်းရင်းမြစ်များ

Kisah Para Rasul 15:29

Kamu ra'ica toro kuman ing kakanen si ayumpero a sé opo-opo', ra'ica toro kuman sé binatang imaté ampa'paan kiniselan eng kolot, wo ra'ica toro kuman in enda', wo ka'i ra'ica toro mabersina. Sa pakasa en anio' itayang iow, kamu méma'o in loor. Akaré' am bia'i owo en surat ami anio', siri' ai cami owo.”

Kisah Para Rasul 23:12

Asi mamoondo mai sé tou Yahudi meesa wo sumumpa in owak sapaoka séra ra'ipé' kiim kuman wo melep, sa ra'ipé' imaté si Paulus.

Kisah Para Rasul 23:20

Wo isowatna, “Sé tou Yahudi imeesao en dékén e mangilek a si tuang wosama' woondo si Paulus ro'na mangé isarumu sumawel a Mahkamah Agama. Émaan éra taniitu tanuoka kéndo' sia mangé periksan éra sumawel in sama'.

Kisah Para Rasul 23:31

Kumawus in itu, mangé éra indon si Paulus tanu in aiperénta i kikiiten é suraro Romawi itu ai séra. Asi wengi ituke', iwali éra mangé si Paulus a si Antipatris.

Kisah Para Rasul 23:35

Icua i gubernur ai sia, “Periksanku oka em perkaramu, sa sé tou sé tumudu ico icateka'o mai am bia'i.” Kekawus in itu, iru'du'na si Paulus tangen an istana i Herodes.

Kisah Para Rasul 24:19

En ulitna isérao woo e musti maai wo kumua a si tuang sapa em ipatudu éra a yaku, sa wutul awéan en aitudu éra a yaku.

Kisah Para Rasul 25:16

Taan icuaku ai séra, eng kanaramen é tou Romawi, sa awéan esa tou tinudu, si tou itu ra'ipé' toro isarakan en ukumen sa sia ra'ipé' meta'up wo sé tou tumudu isia wo winéan témpo e méla in owakna.

Kisah Para Rasul 9:24

Endo wo em bengi pakatéiran éra waya em papalen wangko' ang kota wosama' ro'na maté sia. Taan kailekanna em pawasan léwo' éra itu.

2 Korintus 13:11

Anaé é poo-poow, maaru-aruio mangé, wutuleno em peri miow si suméa'. Terimano mangé pakasa en sina'uku! Meesao mangé en até wo em bewerot iow wo menonouo mangé ang kaeluran. Si Amang Kasuruan, pelemboian in upus wo ing kaeluran, mewali-wali oka wo icamu!