Kisah Para Rasul 23:12 - En Taar Weru a nunuwu' é Tontemboan

¹² Asi mamoondo mai sé tou Yahudi meesa wo sumumpa in owak sapaoka séra ra'ipé' kiim kuman wo melep, sa ra'ipé' imaté si Paulus.

Kisah Para Rasul 23:12 ပူးပေါင်းရင်းမြစ်များ

Matius 26:4

Séra mepaar wo mawasa en tumangka' si Yesus ang karapi i maene-enep e maté Sia.

Matius 26:74

Wo tumo'tolo si Petrus kumutuk wo sumumpa, “Ra'ica katuusanku si Tou itu!” An tutuw ituke' kumukuko mai si co'ko'.

Matius 27:25

Wo isowat é tou keli itu, “Mandéo icami wo sé toyaang ami e mamuléng andumoro' im papaté i Tou anio'.”

Kisah Para Rasul 23:13

Eng kakeli é tou Yahudi sé meesa itu lébé epat ngapulu' tou.

Kisah Para Rasul 23:14

Wo séra mangé a sé kikiiten é imam wo sé matu'a é tou Yahudi wo kumua, “Kami isumumpao sapaoka kami ra'- ica kuman wo ra'ica melep sa si Paulus ra'ipé' pinaté.

Kisah Para Rasul 23:21

Taan tioo lingan i tuang en icua éra. Ampa'paan awéan lébé epat ngapulu' tou sé tu'tulo tuma'up si Paulus an uner in lalan e maté sia. Séra isumumpao in owak sapaoka séra ra'ica kuman wo melep sa ra'ica imaté si Paulus. Intarépé' séra tu'tulo maté isia wo asaloka oka mengento-ngento' in énan i tuang.”

Kisah Para Rasul 23:30

Wo awéan tou en icumua a yaku sapaoka sé tou Yahudi meesa mawasa-wasa i maté isia. Siituo, makala'us ru'du'ku sé suraroku makawali mangé isia a si tuang. Wo ru'du'ku ka'i sé tou matudu isia wosama' séra maali im perkara itu a si tuang.”

Kisah Para Rasul 25:3

Pangileken éra a si gubernur wosama' méé kaloasan e rumu'du' tou maali si Paulus an Yerusalem, ampa'paan séra mawasa-wasa e maté isia an uner in lalan.

Kisah Para Rasul 9:23

Lumangkoio im piraan ngando, sé tou Yahudi meroma' mawasa in léwo' e maté si Saulus.

Kisah Para Rasul 9:24

Endo wo em bengi pakatéiran éra waya em papalen wangko' ang kota wosama' ro'na maté sia. Taan kailekanna em pawasan léwo' éra itu.

1 Korintus 16:22

Si tou ra'ica mengaupus si Apo' Yesus, sia itu tenan ing kutuk. Maranata!

2 Korintus 11:26

Am bawayaanku makakeli-keli mengakawali ang kawangkuran, tanu mai icawangkur an doyongan sumonop, pengakasua' asé marampok, ipengawangkur é touku Yahudi wo ka'i sé tou ra'ica Yahudi, icawangkur ang kota, icawangkur an tana' kapayasan, icawangkur an uner in ta'sic, wo ka'i pengawangkur é tou sé makua sapaoka séra poo-poowta esa am paémanen a si Kristus mandé en ulitna séra ra'ica maéman.

Galatia 3:13

Si Kristus itumu'buso icita asi kutuk in ukum Torat. Ampa'paan tutuw Sia aisalip, tinanggong-Nao eng kutuk itu sawel icita. Awéan en aipatic, “Si tou niukum im patén wo airantong ang kayu salip, sia itu kaputé i makéré in ukuman patén i Amang Kasuruan.”

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.