Kisah Para Rasul 23:1 - En Taar Weru a nunuwu' é Tontemboan

¹ An tutuw i Paulus aisaru a sé anggota Mahkamah Agama, téintengenna séra wo kumua, “Éi poo-poow, akar asi endo anio' aku menonou ang karapi in até weresi an dior i Amang Kasuruan.”

Kisah Para Rasul 23:1 ပူးပေါင်းရင်းမြစ်များ

Matius 5:22

Taan icua-Ku ai camu, si séi si mae'bow a si poowna musti ukumen. Wo si séi e mengawa'ba' si poowna, musti isaru' an dior é Mahkamah Agama. Wo si séi ka'i e makua si poowna bodok, sia patus itiya' an api ra'ica mape'de-pe'del.

Kisah Para Rasul 22:1

“Éi tuang-tuang wo sé poo-poow, lingan iow, awéan en icuaku ai camu e méla in owakku!”

Kisah Para Rasul 22:30

Si kikiiten é suraro Romawi itu masalé' makailek waya ampa'paano in sapa sé tou Yahudi tumudu si Paulus. Ampa'paano in itu, asi woondona mai, ru'du'na icesot si Paulus am bui. Wo iru'du'na wosama' sé kikiiten é imam wo sé anggota Mahkamah Agama walina e mali'us. Iwalina si Paulus kumesot a markas wo mangé isaru ai séra.

Kisah Para Rasul 22:5

Sé niéma'ku itu, kailekan i imam wangko' wo sé anggota i Mahkamah Agama, séra oka e méé kasairian ai camu sapaoka en itu wutul. Wo isérao itu ka'i e méé in surat kawasa a yaku em paalin a sé tou Yahudi an Damsyik. Anaé, ang karapi in surat kawasa itu, yaku ro'na tumangka' sé tou makiit in sususuien i Yesus sé an Damsyik. Kekawus in itu iwaliku mangé séra an Yerusalem en ukumen.

Kisah Para Rasul 23:15

Intarépé' icasalé' ami tana'i, aweso taré sé tuang wo sé anggota Mahkamah Agama mangé rumu'du' si kikiiten é suraro Romawi wosama' isaruna sumawel si Paulus a sé tuang, tanuoka kéndo' periksan iow sumawel ang karapi in sama'. Taan, ra'ipé' icateka' si Paulus a sé tuang, icami tu'tulo maté isia.”

Kisah Para Rasul 23:20

Wo isowatna, “Sé tou Yahudi imeesao en dékén e mangilek a si tuang wosama' woondo si Paulus ro'na mangé isarumu sumawel a Mahkamah Agama. Émaan éra taniitu tanuoka kéndo' sia mangé periksan éra sumawel in sama'.

Kisah Para Rasul 23:28

An tutuw itu icasalé'ku keli e makailek ampa'paan in sapa sé tou Yahudi masalé' maté isia. Anaé, paalinku sia a sé Mahkamah Agama éra.

Kisah Para Rasul 23:6

An tutuw kailekan i Paulus sapaoka sé anggota Mahkamah Agama itu awéan rua golongan, si esa Saduki wo si esa ka'i Farisi wo sia kumua in taangko', “Poo-poow, sé matu'aku tou Farisi wo aku ka'i tou Farisi. Yaku aisaru a Mahkamah anio' ampa'paan percayanku sa sé tou imatéo touen sumawel i Amang Kasuruan.”

Kisah Para Rasul 24:16

Ampa'paano in itu, yaku tatap rumaméji menonou ang karapi in até weresi an dior i Amang Kasuruan wo ka'i an dior é tou.

Kisah Para Rasul 6:15

Asi témpo itu, pakasa é tou sé makalukut a Mahkamah Agama tuméinteng si Stefanus wo sérén éra en amona masélap tanuoka malaékat.

1 Korintus 4:4

Pawerotenku, aku ra'ica wana kaséaan sapa-sapa, taan en itu ra'ica mamuali tuus sapaoka aku wutu-wutul ra'ica meséa. Si Apo' Yesuske' in esa en tumantu mai yaku meséa' kuma'pa ra'ica.

2 Korintus 1:12

Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

2 Korintus 4:2

Ra'ica kiim ami iméma' in tawoien anio' maké ing kanaramen sé ipaene-enep wo sé kalawiin. Wo ra'ica kiim ami matawoi ang karapi imauwak wo mengasélé'kow in Taar i Amang Kasuruan. Taan sé ipakua ami andumoro' sé wutul an dior i Casuruan, wo in taniitu icami maarap wosama' pakasa in tou numilai sumama-sama' ai cami an dior i Amang Kasuruan iciit in até weresi éra.

2 Timotius 1:3

Endo wo em bengi ipasombayangku wo mengakua i makapulu'sama' a si Amang Kasuruan ampa'paano ico. Pengakuaku i makapulu'sama' a si Amang Kasuruan si pengaselewirenku ang karapi in até weresi meputé wo im pengaémaan é apo-apo'ta indior.

Ibrani 13:18

Ipenomba-nombayango mangé kami. Ampa'paan percayan ami en até ami uli-ulit weresi, ampa'paan am baya-waya kami masalé' mengéma-ngéma' sapa sé loor.

1 Petrus 3:16

Sa kamu sumowat, musti uli-ulit ang karapi in até weresi, wosama' sé tou maroros icamu ampa'paan kamu makiit si Kristus, séra in esa e malawi' ampa'paan sé iparoros éra itu ra'ica wutul.