Kisah Para Rasul 22:8 - En Taar Weru a nunuwu' é Tontemboan

⁸ Isowatku i mamuéi, ‘Si séi réén ko é Tuang?’ Wo en suara itu kumua, ‘Yakuo si Yesus, si tou Nazaret si paoko-okoienmu.’

Kisah Para Rasul 22:8 ပူးပေါင်းရင်းမြစ်များ

Matius 2:23

Icateka' mangé séra ang Galilea, séra mento' ang kota makangaran Nazaret. Wo in taniitu, en taar sé aicua é nabi andumoro' i Toyaang itu imamualio: Sia tuulen oka “Tou Nazaret.”

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Matius 25:45

Isowat-Na oka ai séra in tana'i, ‘En ulitna icua-Ku mangé ai camu, an tutuw iow ra'ica itumawang esaan asé poo-poow-Ku si ipawawa-wawa', en itu meputé kamu ra'ica itumawang Yaku.

Kisah Para Rasul 10:14

Taan isowat i Petrus, “Ra'ica é Kasuruan. Yaku ra'ipé' kawisa kuman sé binatang ra'ica toro kanen wo najis itu kiit in atoran an agama ami.”

Kisah Para Rasul 22:7

Wo aku makala'us icare'ba an tana' wo kalingaanku awéan suara makua in tana'i, ‘Saulus, Saulus, kéitu réén ko maoko-okoi Yaku?’

Kisah Para Rasul 26:9

Indior sa kumiit im basaku in esa, émaanku sapake' mangé en sumundur sé tou makiit si Tou Nazaret makangaran Yesus.

Kisah Para Rasul 3:6

Taan icua i Petrus ai sia, “Yaku ra'ica wana mas wo pérak. Taan sapa si a yaku, siitu em bééku ai co: Ang karapi i ngaran i Yesus Kristus si tou Nazaret itu, tumulung wo maya'o!”

Kisah Para Rasul 4:10

musti kailekan iow im baya wo sé tou Israel, sapaoka si tou anio' imasama' ampa'paan ing kawasa i Yesus Kristus si tou Nazaret si aisalip iow, taan tinou sumawel i Amang Kasuruan an uner é tou imaté. Wo ampa'paano si Yesus ituo, akar si tou anio' imasama' wo ro'na makatulung an dior iow.

Kisah Para Rasul 6:14

Lininga ami, ipakuana sa si Yesus tou Nazaret itu e tumongkar oka im Balé Le'nas anio' wo rumoba ing kanaramen si aisusuio i Musa indior, si pemaké-makénta akar intarépé'.”

1 Korintus 12:12

Si Kristus ro'na yandé tanu in owak. En owak wayake' in esa taan sé an owak kelian. Pakasa sé an owak itu membam-balinaan taan en owak wayake' in esa.