Kisah Para Rasul 22:3 - En Taar Weru a nunuwu' é Tontemboan

³ “Yaku tou Yahudi, itumou an Tarsus an tana' Kilikia, taan imawangko' an Yerusalem anio'. Si guruku makangaran Gamaliel. Yaku sinusuianna in sama' andumoro' in ukum Torat si aiwéé i Musa a sé apo-apo'ta. Pakasa en atoran i Amang Kasuruan itu pengaémaanku waya tanu ka'i im pengaémaan iow intarépé'.

Kisah Para Rasul 22:3 ပူးပေါင်းရင်းမြစ်များ

Lukas 10:39

Si Marta awéan esa tuari wéwéné makangaran Maria. Tutuw i Yesus am balé éra, si Maria lumukut an duru ing kécéi i Apo' Yesus wo luminga in sususuien-Na.

Lukas 2:46

Telu ngandoo Sia paéré-érén wo ipeta'up éra Sia am Balé Le'nas. Sia makalukut an uner é guru agama Yahudi makalinga wo memuéi-muéi ai séra.

Lukas 8:35

Kumawus in itu sé tou ang kota wo an doo-roong an sangkum itu kumesot angé suméré sapa e mamuali. Séra mai a si Yesus wo sérén éra si tou rinasuk i sétang itu imasama'o. Sia makalukut an duru ing kécéi i Yesus wo mekaraio, sia uli-ulit imasama'o ampa'paan in ituo séra maindé'.

Kisah Para Rasul 11:25

Kekawus in itu si Barnabas tumela'u in Antiokhia wo mangé an Tarsus e mangéré si Saulus.

Kisah Para Rasul 15:23

Wo en surat itu aisarakan a si Barsabas wo si Silas, aipatic in tana'i: “Siri' a sé poo-poow esa paémanen sé ra'ica tou Yahudi sé maento' an Antiokhia, an Siria, wo eng Kilikia. En siri' anio' ai cami owo sé ruru'du'an wo sé penatua an Yerusalem.

Kisah Para Rasul 15:41

Si Paulus wo si Silas mangé an sangkum in Siria wo eng Kilikia wo kumeter im paémanen é tou maéman am bitu.

Kisah Para Rasul 21:20

Kelinga in itu, séra rumayo wo sumiri' si Amang Kasuruan. Wo icua éra a si Paulus, “Éi poow! Musti kailekanmu sapaoka mariwuo eng kakeli é tou Yahudi maémano wo re'dem makiit in ukum Torat.

Kisah Para Rasul 21:39

Isowat i Paulus, “Ra'ica é tuang. Yaku tou Yahudi, an Tarsus owo, kota si kailekano keli ang Kilikia. Pangilekenku wosama' aku ro'na rumoma' a sé tou keli itu.”

Kisah Para Rasul 23:34

Pakabacanna mako en surat wo wuéienna a si Paulus, “Ico am propénsi sapa owo?” Isowat i Paulus, “Yaku ang Kilikia owo.”

Kisah Para Rasul 23:6

An tutuw kailekan i Paulus sapaoka sé anggota Mahkamah Agama itu awéan rua golongan, si esa Saduki wo si esa ka'i Farisi wo sia kumua in taangko', “Poo-poow, sé matu'aku tou Farisi wo aku ka'i tou Farisi. Yaku aisaru a Mahkamah anio' ampa'paan percayanku sa sé tou imatéo touen sumawel i Amang Kasuruan.”

Kisah Para Rasul 26:5

Uréo séra makatuus yaku. Sa woo séra masalé', séra ro'na sumairi an dior i tuang sapaoka aku uréo menonou mamuali tou Farisi, si golongan wutu-wutul makiit wo mengaéma' in ukum Torat.

Kisah Para Rasul 26:9

Indior sa kumiit im basaku in esa, émaanku sapake' mangé en sumundur sé tou makiit si Tou Nazaret makangaran Yesus.

Kisah Para Rasul 5:34

Taan awéan si esa tou anggota i Mahkamah Agama makangaran Gamaliel. Sia guru in ukum Torat ang golongan Farisi wo ka'i pasiri-siriin é tou. Wo sia tumulung am bitu wo rumu'du' sé tou wosama' kumesot toyo' am bitu.

Kisah Para Rasul 6:9

Am bitu awéan ka'i piraan tou Yahudi ang Kirene owo wo an Aleksandria, wo awéan piraan ka'i mai ang Kilikia wo an Asia owo. Séra itu indior sumangkumo mamuali ata é tou taan intarépé' ra'io. Em balé paapo'- an éra makangaran ‘Walé paapo'an é tou sé indior sumangkumo mamuali ata.’ Ra'ica icasalé' éra si Stefanus, ampa'paan in ituo séra meindoan roma' wo sia.

Kisah Para Rasul 9:1

Asi témpo itu ka'i, si Saulus maaté-atépé' in léwo' e me'teng wo maté pakasa sé murit i Apo' Yesus. Sia mangé meta'up wo si imam wangko',

Kisah Para Rasul 9:11

Icua i Casuruan, “Mangéo ko am balé i esa tou makangaran Yudas. Em baléna an Lalan Rondor. Pangéréno si esa tou makangaran Saulus si an Tarsus owo. Sia ang karoro'an i masombayang,

Kisah Para Rasul 9:30

An tutuw kailekan é poo-poow esa paémanen a si Yesus andumoro' im pawasa-wasan é tou itu, wo iwali éra si Saulus akar ang Kaisarea, wo tumawang sia e mangé an Tarsus.

Roma 11:1

Wuéienku, aicélongo réén i Amang Kasuruan sé tou Israel? Tantu ra'ica! Yaku in esa tou Israel, taranak i Abraham, an suku i Benyamin.

2 Korintus 11:22

Ipakua éra sapaoka séra tou Ibrani. Yaku ka'i tou Ibrani! Ipakua éra ka'i séra tou Israel. Yaku ka'i tou Israel! Ipakua éra ka'i sapaoka iséra taranak i Abraham. Taniitu ka'i aku taranak i Abraham!

Galatia 1:14

Tanu tou si mengakiit in agama é Yahudi yaku en lébé incaya' miara ing kanaramen é apo-apo'ku, sa ipeputé wo sé kinakelian asé tou Yahudi sé merengan wo yaku.

Galatia 1:21

Kekawusku tumela'u in Yerusalem yaku mangé an Siria wo ang Kilikia.