Kisah Para Rasul 22:25 - En Taar Weru a nunuwu' é Tontemboan

²⁵ Taan an tutuw éra i ma'kes wo sumambok sia, icuana a si perwira si matawoi am bitu, “Sa kumiit in atoran é pemerénta Romawi, ro'na réén sumambok si esa tou Romawi sa si tou itu ra'ipé' pineriksa?”

Kisah Para Rasul 22:25 ပူးပေါင်းရင်းမြစ်များ

Matius 10:17

Kamu musti maténga-téngam a sé pakasa in tou! Ampa'paan awéan oka tou en sumarakan icamu an sidang agama wo samboken oka éra kamu am balé-walé paapo'an éra.

Matius 27:54

Si kikiiten é suraro wo sé surarona sé makatéir si Yesus, séra maindé' keli an tutuw i makaséré im pangéro' repet wo pakasa sé mamuali. Wo icua éra, “Si Tou anio', uli-ulit Toyaang i Amang Kasuruan!”

Matius 8:8

Taan icua i perwira itu, “Tuang, ra'ica patus aku tumerima si Tuang am baléku, taan icuao mai esa nuwu'ke', tantu si ataku masama' oka.

Kisah Para Rasul 10:1

Ang Kaisarea awéan esa tuama, makangaran Kornelius. Sia perwira Romawi si kikiiten é sangaatus suraro. Ngaran ing kompi éra itu suraro Italia.

Kisah Para Rasul 16:37

Taan icua i Paulus a sé tou itu, “Kami ra'ipé' sinidang airu'du'o éra pemangku-mangkuren an dior é tou keli, séra ra'ica toro méma' in taniitu ai cami ampa'paan kami ka'i tou Roma. Kumawus in itu yuntep éra ka'i kami am bui wo intarépé' cesot éra kami ang karapi i memene-menes? Ra'ica toro taniitu! Iwayao mio' séra in esa e maai wo maali icami eng kumesot.”

Kisah Para Rasul 22:26

Kelinga in itu, si perwira si karoro'an i matawoi itu makala'- us mangé kumua a si kikiiten é suraro Romawi, icuana, “Tuang, si tou itu réén, tou Romawi. Sapa réén en émaanmu ai sia?”

Kisah Para Rasul 23:17

Kelinga in itu wo towan i Paulus si esa perwira wo kumua ai sia, “Tuang, pekiupusenku iwali mangé si mangalitou anio' a si kikiiten i tuang, ampa'paan awéan en icuana a si kikiiten i tuang.”

Kisah Para Rasul 23:27

Si tou aiwali mai anio', makangaran Paulus. Sia tinangka' é tou Yahudi wo misio patén éra. Taan an tutuw itu, yaku wo sé suraroku mai mindo isia wosama' icawekar wo ro'na malowir. Ampa'paan liningaku sa sia itu tou Roma.

Kisah Para Rasul 25:16

Taan icuaku ai séra, eng kanaramen é tou Romawi, sa awéan esa tou tinudu, si tou itu ra'ipé' toro isarakan en ukumen sa sia ra'ipé' meta'up wo sé tou tumudu isia wo winéan témpo e méla in owakna.

Kisah Para Rasul 27:1

Pinusé'o i gubernur Festus eng kumirim icami im baya maangé a Roma an Italia. Anaé, si Paulus wo piraan tou sé binui walina aisarakan a si esa kikiiten é suraro, makangaran Yulius. Sia pasukan i Kaisar Romawi.

Kisah Para Rasul 27:3

Mando mai, kami tumuli an Sidon. Si Yulius sama' keli a si Paulus, wéanna kaloasan sia mangé a sé kara-karapina wosama' séra ro'na tumu'tul ing kaperluanna.

Kisah Para Rasul 27:43

Taan péronen i perwira éra sapa em pawasa-wasan éra, ampa'paan sia masalé' lumowir si Paulus. Wo peréntanna sé tou sé makailek make'bung, en dumior lumo'tic an ta'sic wo kume'bung akar ang katanaan.