Kisah Para Rasul 22:24 - En Taar Weru a nunuwu' é Tontemboan

²⁴ Ampa'paano in itu peréntan i kikiiten é suraro Romawi e makawali si Paulus a markas. Am bitu, si Paulus pineriksa wo pasamboken wosama' ro'na kakailekan ampa'paan in sapa sé tou keli itu mengangko-ngangko' a si Paulus.

Kisah Para Rasul 22:24 ပူးပေါင်းရင်းမြစ်များ

Yohanes 19:1

Kumawus in itu, ru'du' i Pilatus sé surarona e maali si Yesus in samboken.

Kisah Para Rasul 16:37

Taan icua i Paulus a sé tou itu, “Kami ra'ipé' sinidang airu'du'o éra pemangku-mangkuren an dior é tou keli, séra ra'ica toro méma' in taniitu ai cami ampa'paan kami ka'i tou Roma. Kumawus in itu yuntep éra ka'i kami am bui wo intarépé' cesot éra kami ang karapi i memene-menes? Ra'ica toro taniitu! Iwayao mio' séra in esa e maai wo maali icami eng kumesot.”

Kisah Para Rasul 21:34

Taan an uner é tou keli itu awéan e maangko' ai sia tana'i wo awéan ka'i e maangko' taniitu. Wo ampa'paan i malicokoo taniitu, akar ra'ica kailekanna sapa e imamuali. Ampa'paan in ituo ru'du'na si Paulus iwali mangé a markas.

Kisah Para Rasul 21:37

An tutuw i Paulus iwali éra woo a markas, sia mamuéi a si kikiiten é suraro Romawi itu, “Ro'na aku mepaar wo si tuang?” Isowat i kikiiten itu, “Makailek réén manuwu' i nunuwu' é Yunani ko?

Kisah Para Rasul 23:10

Wo makarepeto meindo-indoan roma' sé tou Saduki wo sé tou Farisi akar si kikiiten é suraro Romawi maindé' oréoka pesémbongan éra i mokoi si Paulus. Anaé, peréntanna sé surarona tumumpa mio' an darem e mindo si Paulus an uner é tou keli itu wo maali sia a markas.

Kisah Para Rasul 23:27

Si tou aiwali mai anio', makangaran Paulus. Sia tinangka' é tou Yahudi wo misio patén éra. Taan an tutuw itu, yaku wo sé suraroku mai mindo isia wosama' icawekar wo ro'na malowir. Ampa'paan liningaku sa sia itu tou Roma.

Kisah Para Rasul 28:18

An tutuw é tou Romawi itu meriksa yaku a mangé mbitu, ra'ica kinéréan éra eng kaséaanku si ro'na méma' yaku makéré in ukuman patén. Ampa'paan in ituo aku aiwekar éra.

Ibrani 11:35

Ampa'paan sé wéwéné awéan paémanen, akar kinéréan éra sumawel sé tou am pamalé éra sé imatéo ampa'paan tinouo sumawel. Awéan ka'i sé tou tumerima im paokoien akar imaté, taan ra'ica kiim éra iwekar am paokoien wo ra'ica tumela'u im paémanen éra. Ampa'paan émanen éra sapaoka séra touen oka sumawel wo makéré ing katouan si lébé loorai.