Kisah Para Rasul 22:22 - En Taar Weru a nunuwu' é Tontemboan

²² An tutuw lingan é tou Yahudi sa si Amang Kasuruan irumu'du'o si Paulus mangé a sé tou ra'ica Yahudi, sé tou itu tumo'tolo maangko', “Si tou anio' ra'ica patus menonou. Paténo sia!”

Kisah Para Rasul 22:22 ပူးပေါင်းရင်းမြစ်များ

Lukas 23:18

Taan sé tou keli sé makali'us am bitu imangko'ke' taré mangé a si Pilatus, “Paténo Sia! Iwekaro mai si Barabas torona ami!”

Yohanes 19:15

Wo séra mengangko-ngangko' wo makua, “Paténo Sia! Paténo Sia! Salipo Sia!” Wo icua i Pilatus ai séra, “Musti réén isalipku si colano miow?” Isowat é kikiiten é imam, “Si colano ami wayake' si Kaisar!”

Kisah Para Rasul 21:36

Sé tou keli itu mewali-wali makiit in somoi wo maangko' “Paténo sia!”

Kisah Para Rasul 25:24

An tutuw i Paulus am bituo, icua i gubernur Festus, “Kolano Agripa si pasiri-siriinku wo sé pakasa in tou sé imewali-wali wo icami am bia'i. Séréno mai si tou anio', si patudun é pakasa in tou Yahudi an Yerusalem wo sé ang Kaisarea am bia'i. Séra imayo a yaku wo mangilek ang karapi i mengangko-ngangko' sapaoka sia musti makéré in ukumen patén.

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.