Kisah Para Rasul 22:21 - En Taar Weru a nunuwu' é Tontemboan

²¹ Taan icua i Casuruan a yaku, ‘Mangém, iru'du'-Ku oka ko mangé tumayang asi tampa anio' wo mangé a sé bangsa ra'ica Yahudi.’ ”

Kisah Para Rasul 22:21 ပူးပေါင်းရင်းမြစ်များ

Kisah Para Rasul 13:2

Asi makasa, an tutuw éra mapuasa wo maapo' a si Amang Kasuruan, e Roh Le'nas kumua ai séra, “Tanéo mangé si Barnabas wo si Saulus e méma' in tawoien si aitantu-Kuo ai séra in dua.”

Kisah Para Rasul 18:6

Taan aicélongke' é tou itu em pakua i Paulus wo maroros sia, wo itangkarna en awu ang karaina, wo icuana ai séra, “Kamu in esa e mamuléng in ukuman i Amang Kasuruan, en itu ra'ica kameséaanku! Tumo'tol intarépé', aku mangé a sé bangsa walina e mangé kumua in Abar Kaaruien andumoro' si Yesus Kristus.”

Kisah Para Rasul 9:15

Taan icua i Casuruan a si Ananias, “Mangéo ko! Sinisir-Kuo si tou itu e mamuali ata-Ku eng kumua in Abar Kaaruien andumoro' Yaku a sé bangsa walina, a sé kolano wo ka'i a sé tou Israel.

Roma 1:5

Wo ampa'paano i Yesus Kristus ituo, si Amang Kasuruan imééo mai ing kamang a yaku mamuali ruru'du'an e makin waya sé tou ang kayo'baan wosama' séra maéman wo le'tek a si Yesus Kristus. Émaanku waya en itu, wosama' e ngaran i Yesus Kristus iparayo-rayo wo pasiri-siriin.

Roma 11:13

Taan intarépé' icuaku ai camu é bangsa ra'ica Yahudi: Yaku ayutusai mamuali ruru'du'an i Apo' Yesus eng kumua in Abar Kaaruien a sé tou ra'ica Yahudi. Wo anggapenku en tawoien itu patus irayo.

Roma 15:16

Yaku mamuali ata maselewir a si Kristus Yesus e mengakua in Abar Kaaruien andumoro' i Yesus Kristus a sé tou ra'ica Yahudi. En tawoienku tanu in tawoien é imam si mengawéé i raragés, ampa'paan aku makawali sé tou ra'ica Yahudi a si Amang Kasuruan wosama' séra teriman-Na tanu raragés si casalé'-Na wo si line'naso i Roh Le'nas.

Roma 16:26

Taan intarépé', ampa'paano im perénta i Amang Kasuruan si menonou akar ing kauré-uré, si paene-enep-Na itu aituru'o wo aicuao a sé im pakasa in suku maké ing kitap-kitap sé aipatico é nabi, wosama' séra maéman wo le'tek a si Amang Kasuruan.

Efesus 3:3

Si Amang Kasuruan in esa en icumua a yaku andumoro' im pawasa-wasan-Na sé aicaenepé', tanu si aipaticku asi suratku anio' mandé ka'i ing kolekke'.

1 Timotius 2:7

Siituo imangémai aku sinisir i Amang Kasuruan mamuali ruru'du'an-Na e mangé a sé tou ra'ica Yahudi eng kumua in abar andumoro' im paémanen wutul. Pakasa sé aicuaku anio' ulit! Yaku ra'ica matowo.

2 Timotius 1:11

Sinisir i Amang Kasuruan aku mamuali ruru'du'an-Na wo guru eng kumua in Abar Kaaruien andumoro' i Yesus Kristus a sé tou.