Kisah Para Rasul 22:15 - En Taar Weru a nunuwu' é Tontemboan

¹⁵ Ampa'paan ko musti mamuali sairi-Na wo icuamu oka a sé pakasa in tou sapa en sinéré wo en liningamu.

Kisah Para Rasul 22:15 ပူးပေါင်းရင်းမြစ်များ

Yohanes 15:27

Wo icamu ka'i musti méé ing kasairian a sé tou walina andumoro' Yaku, ampa'paan kamu mewali-walio wo Yaku tumo'tolke' mai asi kataré.”

Kisah Para Rasul 1:22

tumo'tolai an tutuw i Yesus nibaptis i Yohanes akar Sia icaangkai angé an sorga tumela'u icita. Si tou itu musti mengasairi mewali-wali wo icita sapaoka si Yesus itumou sumawel asi papaté.”

Kisah Para Rasul 1:8

Taan an tutuw i Roh Le'nas tumumpa mai ai camu, kamu makéré oka kawasa. Wo kamu mamuali oka sairi andumoro' Yaku an Yerusalem, am pakasa in Yudea wo an Samaria wo akar an tempok ing kayo'baan.”

Kisah Para Rasul 22:14

Wo icua i Ananias a yaku tana'i, ‘Ico, aitantuo i Amang Kasuruan si paapo'an é apo-apo'ta, wosama' ro'na kailekanmu eng kasalé'an-Na wo ka'i suméré si Yesus Si Wutul itu wo ka'i luminga in suara si lumembo am ba'ba'-Na.

Kisah Para Rasul 23:11

Asi woondona mai tutuw i mawengio, si Apo' Yesus mai tumulung an duru i Paulus wo kumua, “Ico ra'ica toro maindé'! Kete-ketereno en atému. Ico imééo kasairian andumoro' Yaku a sé tou Yerusalem anio' wo ka'i ko musti mangé méé kasairian tanu sia'i andumoro' Yaku a Roma.”

Kisah Para Rasul 26:20

Wo icuaku waya en itu kataré-taré a sé tou Yahudi an Damsyik, an Yerusalem wo am pakasa in tampa an tana' Yudea wo ka'i a sé tou ra'ica Yahudi. Icuaku ai séra, sapaoka musti mape'dis ang kamesé-meséaan wo maémano mangé a si Amang Kasuruan wo menonou makiit ing kasalé'an-Na tanu tuus sa séra imape'diso.

Kisah Para Rasul 27:24

Icua i malaékat itu a yaku, ‘Paulus, ra'ica toro maindé'! Ico musti mangé sumaru a si Kaisar Romawi. Si Amang Kasuruan itumambéro mai in upus-Na ai co wo ampa'paano ico pakasa en tou sé suméngkot mewali-wali wo ico malowir oka.’

Kisah Para Rasul 4:20

Ampa'paan kami ra'ica toro mento' mengua-ngua andumoro' in sapa sé sinéréo wo liningao ami.”