Kisah Para Rasul 22:1 - En Taar Weru a nunuwu' é Tontemboan

¹ “Éi tuang-tuang wo sé poo-poow, lingan iow, awéan en icuaku ai camu e méla in owakku!”

Kisah Para Rasul 22:1 ပူးပေါင်းရင်းမြစ်များ

Lukas 12:11

Sa awéan tou makawali icamu am balé-walé paapo'an é agama Yahudi in akimen kuma'pa a sé pemerénta kuma'pa a sé tou walina sé makatimboi ing kakawasaan, tioo kamu maindé' tumambisa e musti méla in owak iow, kuma'pa sapa e musti icua miow.

Lukas 21:14

Ampa'paano in itu, ketereno mangé en até miow wo tioo maindé-indé' andumoro' in sapa si musti icua miow e méla in owak.

Kisah Para Rasul 13:26

Poo-poowku sé icauntep an taranak i Abraham wo ka'i sé tou ra'ica Yahudi sé maapo' a si Amang Kasuruan! En abar ing kalowiran itu aicuao ai cita im baya.

Kisah Para Rasul 19:33

Wo am bitu awéan esa tou makangaran Aleksander. Ruké é tou Yahudi sia an dior é tou keli ampa'paan icasalé' éra sia en tumerangkan sapaoka si méma' im perkara anio' ra'ica tou Yahudi. Wo si Aleksander masalé' méla in owak an dior é tou keli, anaé sia mangkai ing kama en suméin wosama' sé tou menes.

Kisah Para Rasul 23:1

An tutuw i Paulus aisaru a sé anggota Mahkamah Agama, téintengenna séra wo kumua, “Éi poo-poow, akar asi endo anio' aku menonou ang karapi in até weresi an dior i Amang Kasuruan.”

Kisah Para Rasul 23:6

An tutuw kailekan i Paulus sapaoka sé anggota Mahkamah Agama itu awéan rua golongan, si esa Saduki wo si esa ka'i Farisi wo sia kumua in taangko', “Poo-poow, sé matu'aku tou Farisi wo aku ka'i tou Farisi. Yaku aisaru a Mahkamah anio' ampa'paan percayanku sa sé tou imatéo touen sumawel i Amang Kasuruan.”

Kisah Para Rasul 24:10

Wo si gubernur itu suméin a si Paulus sapaoka sia ro'nao rumoma'. Wo icua i Paulus, “Tuang gubernur, kailekanku, si tuang ta'uno mengaurus im perkara i bangsa anio'. Ampa'paano in itu yaku arui en até méla in owak an dior i tuang.

Kisah Para Rasul 25:16

Taan icuaku ai séra, eng kanaramen é tou Romawi, sa awéan esa tou tinudu, si tou itu ra'ipé' toro isarakan en ukumen sa sia ra'ipé' meta'up wo sé tou tumudu isia wo winéan témpo e méla in owakna.

Kisah Para Rasul 25:8

Taan si Paulus méla in owak, icuana, “Mandé teké'ke', aku ra'ica kawisa mako méma' kaséaan. Yaku ra'ica iméma' sapa-sapa en sumundur in ukum Torat wo ra'ica méma' kaséaan am Balé Le'nas wo ka'i ra'ica iméma' kaséaan a si Kaisar Romawi.”

Kisah Para Rasul 26:24

Ang karoro'an i Paulus mabéla in owakna, wo positen i Festus i rumoma' ang kerapi in depet, “Ra'io lekep ko é Paulus! Ico keliano eng kailekan, akar em ipakawerotmu ra'io wutul.”

Kisah Para Rasul 28:17

Teluo ngando kami am bitu wo enoten i Paulus sé tou Yahudi sé pasiri-siriin e meta'up wo sia. Wo an tutuw éra imali'uso, icuana ai séra, “Poo-poow! Yaku am bia'i ampa'paan tinangka' é tou Yahudi an Yerusalem wo isarakan éra aku a sé pemerénta Romawi. Taan aku ra'ica iméma' kaséaan sapa-sapa en sumundur sé taranakta wo ka'i ra'ica kumélong ing kanaramen é apo-apo'ta.

Kisah Para Rasul 7:2

Wo isowat i Stefanus, “Éi poo-poow wo tuang-tuang, linganai en icuaku. Indior, si apo'ta Abraham an tutuw sia ra'ipé' maento' an Haran, sia maento' a Mesopotamia. Am bitu, si Amang Kasuruan si parayo-rayo wo pasiri-siriin mapaturu' in owak-Na ai sia,

Roma 2:15

Anaé, asé peri éra ituo, imééo tuus sapaoka en ukum Torat itu aipatico an até éra. Em pakawerot éra sumangkum mengaséa' in owak in esa, sumangkum ka'i mengawutul in owak in esa, en itu aituru' in até weresi éra.

1 Korintus 9:3

Sa awéan tou rumoros yaku, tana'i en cuaku e méla in owakku ai séra:

2 Korintus 12:19

Ang kauré miow maca in surat anio', weroten réén miow sapaoka kami asalo méla in owak an dior iow? Ra'ica tanu siitu! Kailekan i Amang Kasuruan sapaoka pakasa sé ipakua ami itu makiit ing kasalé'an i Kristus. Poo-poow sé icaupusku, sapa sé niéma' ami, en itu e méé ing kaketeran am paémanen iow.

2 Korintus 7:11

Anaé, intarépé' séréno sapa sé imamuali ai camu ampa'paano ing kawenduan si casalé' i Amang Kasuruan itu. En itu, iméma' icamu lébé mauli-ulit kumiit ing kasalé'an i Amang Kasuruan; wo kamu rumaméji méé tuus sapaoka kamu ra'ica meséa'; kamu masuut wo maindé' mengaéma' ing kamesé-meséaan; kamu lébé lumelo wo makaincaya' méma' sapa sé loor wo ra'ica marapit ; wo kamu méé ukuman a sé tou meséa'. Anaé, kamu itumuru'o in tuus, kamu ra'ica meséa' am pakasa in itu.

Filipi 1:17

Taan sé tou menganganat wo meindoan roma', séra mengakua andumoro' i Kristus ampa'paan mawasa in léwo'. Wo paweroten éra ang karapi i méma' in taniitu, en atéku lébé masusa am bui.

Filipi 1:7

Mémang patuso aku méé i makapulu'sama' in taniitu andumoro' icamu im baya, ampa'paan icamu im baya an atékuo. Wo ka'i kamu imamualio kara-karapi an tawoien si aitambérai i Amang Kasuruan a yaku. Kamu ra'ica mento' matawang yaku, mandé ka'i yaku am bui kuma'pa an tutuwku mengakua im pembélaan e méé tuus a sé tou sé ra'ica mapercaya in Abar itu, sapaoka en Abar Kaaruien si pakuaku itu wutul.

2 Timotius 4:16

An tutuw ing kataré-taré aku méla in owakku am pengadilan, ra'ica wana esaan angé asé tou en tumawang yaku. Pakasa in tou tumela'uo yaku. Taan pangilekenku a si Casuruan wosama' ra'ica ukumen-Na séra.

1 Petrus 3:15

Taan irayoo wo siriino mangé si Kristus an até miow wo émaano Sia merénta ai camu. Wo kamu musti tu'tul en sumowat kawisake' mangé sa awéan tou mamuéi andumoro' sapa si paara-arapen iow asi Apo' Yesus. Wo sowateno mangé séra ang karapi ing ko'kos en até wo ang karapi in siri'.