Kisah Para Rasul 21:9 - En Taar Weru a nunuwu' é Tontemboan

⁹ Sia makatoyaang epat mangala'un. Sé toyaangna itu tinambéranai kamang i Amang Kasuruan e mengakua i nunuwu'-Na.

Kisah Para Rasul 21:9 ပူးပေါင်းရင်းမြစ်များ

Lukas 2:36

Awéan ka'i am bitu esa nabi wéwéné matu'ao, e ngaranna Hana, toyaang i Fanuel an suku Asyer owo. Makakawéng ako, sia menonou mewali-wali wo si penanaanna pitu ngata'un eng kauré,

Kisah Para Rasul 13:1

An jamaat Antiokhia, awéan piraan nabi wo awéan ka'i sé masusui in Taar i Amang Kasuruan. Séra itu si Barnabas, si Simeon si pengatuulen Wuring, si Lukius si tou Kirene, Menahem si pinewangko' mewali-wali wo si colano Herodes, wo ka'i si Saulus.

Kisah Para Rasul 2:17

‘Asi endo-endo kaka'puan, itumpa-Ku oka e Roh-Ku a sé pakasa in tou. Sé toyaang iow tuama wo wéwéné kumua oka i nunuwuun-Ku a sé tou. Sé mangalitou wo mangala'un makéré oka papaturu'an wo sé matu'a makéré oka pangipin.

1 Korintus 7:38

Anaé, si tou icumawéng wo si patunanganna iméma'o in loor, wo si tou ra'ica icumawéng wo si patunanganna, iméma'o sé lébé loor.

Wahyu 2:20

Taan iséro'-Ku kamu, ampa'paan aiwayake' miow si esa wéwéné makangaran Izebel. Si wéwéné itu matuul in owakna nabi i Amang Kasuruan, taan sia masusui wo mengasélé'kow sé ata-Ku mengabersina wo mengakan ing kakanen sé ayumpero a sé opo-opo'.