Kisah Para Rasul 21:7 - En Taar Weru a nunuwu' é Tontemboan

⁷ Tela'u ami en Tirus wo sumaké kapal e mangé am Ptolemais. Kami tumumpa am bitu wo tumuli a sé poo-poow sé maémano wo méé in siri' ai séra wo mento' sangando am bitu mewali-wali wo iséra.

Kisah Para Rasul 21:7 ပူးပေါင်းရင်းမြစ်များ

Matius 5:47

Sa kamu mengawéé in siri' a sé poo-poow iowke', sapa eng kalébéana wo em pengaémaan é tou walina? Ra'ica réén sé bangsa ra'ica makatuus si Amang Kasuruan mengaéma' ka'i in taniitu?

Kisah Para Rasul 1:15

Asi makasa, sé poo-poow esa paémanen a si Yesus imaumung mewali-wali. Eng kakeli éra wona' sangaatus rua ngapulu' tou. Wo si Petrus tumulung an uner éra wo kumua,

Kisah Para Rasul 12:20

Sé tou Tirus wo sé tou Sidon mengateles kakanen a sé tou an sangkum ing kakawasaan i Herodes. Taan asi témpo itu, si Herodes mae'bow keli a sé tou Tirus wo Sidon. Ampa'paan in ituo, séra meesa e mangé meta'up wo sia. Wo awéan esa tou maurus an istana i Herodes, makangaran Blastus, sia lepéien éra, e mekitawang wosama' si Herodes ro'na meeluran wo iséra. Émaan éra taniitu wosama' séra ro'na menele-neles kakanen an sangkum ing kakawasaan i Herodes.

Kisah Para Rasul 18:22

Sia suméngkot wo icateka' ang Kaisarea wo sia tumumpa. Wo sia mangé an Yerusalem meta'up wo sé jamaat wo méé in siri' ai séra. Kumawus in itu, sia mangé an Antiokhia an sangkum in Siria.

Kisah Para Rasul 21:10

An tutuw kami pirao ngando makaento' am bitu wo mai si esa nabi an Yudea owo, sia makangaran Agabus.

Kisah Para Rasul 21:17

An tutuw ami icateka' an Yerusalem, pakasa en tou maéman sumungkul icami ang karapi in arui en até.

Kisah Para Rasul 21:19

Si Paulus méé in siri' ai séra. Wo isisilna waya ai séra e niéma' i Amang Kasuruan a sé tou ra'ica Yahudi, tutuwna i mangé kumua in Abar Kaaruien andumoro' i Yesus Kristus an tampa éra.

Kisah Para Rasul 21:3

Wo kaséréan ami em pulou Siprus ang ka'biri, taan kami ra'ica itumuli am bitu. Eng kapal sinakéan ami melala'uske' mangé an Tirus an Siria, ampa'paan em barang-barang ang kapal musti itumpa am bitu.

Kisah Para Rasul 25:13

An tutuw ilumangkoio pira ngando, si colano Agripa mangé ang Kaisarea mewali-wali wo si tuarina wéwéné makangaran Bernike. Séra imangé am bitu e mangé méé in siri' ampa'paan si Festus werupé' imamuali gubernur.

Kisah Para Rasul 28:12

Wo kami tumuli ka'i am pasuwaan ing kapal an Sirakusa am pulou Sisilia, wo mento' am bitu telu ngando eng kauréna.

Ibrani 13:24

Icua mio' en siri' ami a sé kikiiten iow wo a sé pakasa sé tou le'nas. Sé poo-poow maéman an Itali am bia'i ka'i, icumirim in siri' ai camu.