Kisah Para Rasul 21:40 - En Taar Weru a nunuwu' é Tontemboan

⁴⁰ Wo wéanna kaloasan a si Paulus e rumoma'. Si Paulus mangé tumulung an daran wo suméin ing kama a sé tou keli itu. An tutuw é tou imeneso, sia tumo'tolo rumoma' ai séra maké i nunuwu' é Ibrani, icuana:

Kisah Para Rasul 21:40 ပူးပေါင်းရင်းမြစ်များ

Lukas 23:38

A mangéna in do'kos i Yesus ang kayu salip, pinakuan esa papang si pinatican in tana'i, “Si anioo si Colano é tou Yahudi.”

Yohanes 19:13

An tutuw i Pilatus luminga en aicua é tou itu, wo iru'du'na sé suraro e maali si Yesus icesot an istana itu. Wo si Pilatus lumukut am palukutan im pengadilan si patuulen Lanté Watu, a nunuwu' Ibrani patuulen Gabata.

Yohanes 19:17

Wuléngen-Na en salip wo mangé an tampa si makangaran tampa Ru'i in Do'kos, a nunuwu' Ibrani Golgota.

Yohanes 19:20

Kelian tou Yahudi mabaca in aipatic ang kayu salip itu, ampa'paan en tampa sinalipan si Yesus itu tawike' ing kota Yerusalem. Wo sé aipatic itu maké i nunuwu' é Ibrani, Latin wo Yunani.

Yohanes 5:2

An Yerusalem awéan esa kolam a nunuwu' é Ibrani patuulen ‘Betesda’. Eng kolam itu an diit im papalen wangko' ang kota si ningaranan ‘Papalen Domba’. An li'cir ing kolam itu awéan lima lésar sé niatepan.

Kisah Para Rasul 1:19

Pakasa é tou an Yerusalem makailek sapa e mamuali a si Yudas, akar en tana' itu ningaranan éra maké i nunuwu' éra in esa, ‘Akeldama’, eng kaangéanna ‘Tana' in Enda'.’

Kisah Para Rasul 12:17

Taan séinan i Petrus ing kama wosama' séra menes. Kumawus in itu isisilna ai séra tambisa si Casuruan makawali sia kumesot am bui. Wo icuana ai séra, “Icuao mangé pakasa en anio' a si Yakobus wo a sé poo-poowta walina sé maémano.” Wo sia kumesot am bitu wo mangé an tampa walina.

Kisah Para Rasul 13:16

Kelinga in itu, si Paulus tumulung wo suméin ing kamana a sé tou am bitu, icuana, “Poo-poow tou Israel wo sé tou ra'ica Yahudi sé mengaapo' a si Amang Kasuruan, linganai en icuaku!

Kisah Para Rasul 19:33

Wo am bitu awéan esa tou makangaran Aleksander. Ruké é tou Yahudi sia an dior é tou keli ampa'paan icasalé' éra sia en tumerangkan sapaoka si méma' im perkara anio' ra'ica tou Yahudi. Wo si Aleksander masalé' méla in owak an dior é tou keli, anaé sia mangkai ing kama en suméin wosama' sé tou menes.

Kisah Para Rasul 21:35

An tutuw éra icateka' mangé an daran, sé tou keli itu mendun-dukéan. Ampa'paan ituo, angkaien é suraro sia yuntep a markas.

Kisah Para Rasul 22:2

Si Paulus maroma' a sé tou keli itu maké i nunuwu' é Ibrani. An tutuw lingan éra e nunuwu'na itu wo séra wutu-wutul menes. Icuana ka'i,

Kisah Para Rasul 26:14

Pakasa kami icarepa an tana'. Wo kalingaanku awéan suara makua mai a yaku maké i nunuwu' é Ibrani tana'i, ‘Saulus, Saulus, kéitu réén ko maoko-okoi Yaku? Ico imokoio in owakmu in esa sa ko ra'ica mento' masundur Yaku si makakawasa ico.’

Kisah Para Rasul 6:1

Sé tou mengakiit in sususuien i Yesus makaaweso eng kakeli. An tutuw itu sé tou Yahudi sé manuwu' i nunuwu' é Yunani mangingimbulu a sé tou Yahudi sé menganuwu' i nunuwu' é Ibrani. Ampa'paan sé wéwéné balu é tou Yahudi menganuwu' i nunuwu' é Yunani itu, ra'io pawéan rékén é tou an tutuw mengaéké ing kaperluan mengendo-ngendo.

Wahyu 16:16

Wo li'usen é telu roh léwo' itu sé kolano an esa tampa, en tampa itu a nunuwu' é Ibrani patuulen Harmagedon.

Wahyu 9:11

Wo séra awéan kolano si maperénta, siao si malaékat mengatéir ing kepal im papaté. E ngaran i colano itu “Abadon” a nunuwu' é Ibrani, wo “Apolion” a nunuwu' é Yunani.