Kisah Para Rasul 21:39 - En Taar Weru a nunuwu' é Tontemboan

³⁹ Isowat i Paulus, “Ra'ica é tuang. Yaku tou Yahudi, an Tarsus owo, kota si kailekano keli ang Kilikia. Pangilekenku wosama' aku ro'na rumoma' a sé tou keli itu.”

Kisah Para Rasul 21:39 ပူးပေါင်းရင်းမြစ်များ

Kisah Para Rasul 15:23

Wo en surat itu aisarakan a si Barsabas wo si Silas, aipatic in tana'i: “Siri' a sé poo-poow esa paémanen sé ra'ica tou Yahudi sé maento' an Antiokhia, an Siria, wo eng Kilikia. En siri' anio' ai cami owo sé ruru'du'an wo sé penatua an Yerusalem.

Kisah Para Rasul 15:41

Si Paulus wo si Silas mangé an sangkum in Siria wo eng Kilikia wo kumeter im paémanen é tou maéman am bitu.

Kisah Para Rasul 16:37

Taan icua i Paulus a sé tou itu, “Kami ra'ipé' sinidang airu'du'o éra pemangku-mangkuren an dior é tou keli, séra ra'ica toro méma' in taniitu ai cami ampa'paan kami ka'i tou Roma. Kumawus in itu yuntep éra ka'i kami am bui wo intarépé' cesot éra kami ang karapi i memene-menes? Ra'ica toro taniitu! Iwayao mio' séra in esa e maai wo maali icami eng kumesot.”

Kisah Para Rasul 21:37

An tutuw i Paulus iwali éra woo a markas, sia mamuéi a si kikiiten é suraro Romawi itu, “Ro'na aku mepaar wo si tuang?” Isowat i kikiiten itu, “Makailek réén manuwu' i nunuwu' é Yunani ko?

Kisah Para Rasul 22:3

“Yaku tou Yahudi, itumou an Tarsus an tana' Kilikia, taan imawangko' an Yerusalem anio'. Si guruku makangaran Gamaliel. Yaku sinusuianna in sama' andumoro' in ukum Torat si aiwéé i Musa a sé apo-apo'ta. Pakasa en atoran i Amang Kasuruan itu pengaémaanku waya tanu ka'i im pengaémaan iow intarépé'.

Kisah Para Rasul 23:27

Si tou aiwali mai anio', makangaran Paulus. Sia tinangka' é tou Yahudi wo misio patén éra. Taan an tutuw itu, yaku wo sé suraroku mai mindo isia wosama' icawekar wo ro'na malowir. Ampa'paan liningaku sa sia itu tou Roma.

Kisah Para Rasul 23:34

Pakabacanna mako en surat wo wuéienna a si Paulus, “Ico am propénsi sapa owo?” Isowat i Paulus, “Yaku ang Kilikia owo.”

Kisah Para Rasul 6:9

Am bitu awéan ka'i piraan tou Yahudi ang Kirene owo wo an Aleksandria, wo awéan piraan ka'i mai ang Kilikia wo an Asia owo. Séra itu indior sumangkumo mamuali ata é tou taan intarépé' ra'io. Em balé paapo'- an éra makangaran ‘Walé paapo'an é tou sé indior sumangkumo mamuali ata.’ Ra'ica icasalé' éra si Stefanus, ampa'paan in ituo séra meindoan roma' wo sia.

Kisah Para Rasul 9:11

Icua i Casuruan, “Mangéo ko am balé i esa tou makangaran Yudas. Em baléna an Lalan Rondor. Pangéréno si esa tou makangaran Saulus si an Tarsus owo. Sia ang karoro'an i masombayang,

Kisah Para Rasul 9:30

An tutuw kailekan é poo-poow esa paémanen a si Yesus andumoro' im pawasa-wasan é tou itu, wo iwali éra si Saulus akar ang Kaisarea, wo tumawang sia e mangé an Tarsus.

1 Petrus 3:15

Taan irayoo wo siriino mangé si Kristus an até miow wo émaano Sia merénta ai camu. Wo kamu musti tu'tul en sumowat kawisake' mangé sa awéan tou mamuéi andumoro' sapa si paara-arapen iow asi Apo' Yesus. Wo sowateno mangé séra ang karapi ing ko'kos en até wo ang karapi in siri'.