Kisah Para Rasul 21:31 - En Taar Weru a nunuwu' é Tontemboan

³¹ Ang karoro'an éra i rumaméji e maté sia, awéan e mangé mower a si kikiiten é suraro Romawi sapaoka pakasa en Yerusalem malicokoo.

Kisah Para Rasul 21:31 ပူးပေါင်းရင်းမြစ်များ

Matius 26:5

Taan séra mengkuanan,“Tioo tumangka' Sia asi endo wangko' Paska, wosama' sé tou ra'ica méma' ing kalicokoan.”

Matius 27:27

Kumawus in itu, si Yesus iwali é suraro i Pilatus an istana i gubernur. Wo towan éra waya sé suraro mali'us lumi'cir si Yesus.

Markus 14:2

Taan séra mengkuanan, “Tioo tumangka' Sia asi endo wangko' Paska, wosama' sé tou ra'ica méma' ing kalicokoan.”

Yohanes 16:2

Ampa'paan kamu ra'io ka'i iwéé é kikiiten é agama Yahudi maapo' am balé paapo'an éra. Lébé-lébé ka'i maai oka en témpona si séike' e maté icamu, pawerotenna ang karapi i méma' in taniitu niéma'nao eng kasalé'an i Amang Kasuruan.

Yohanes 18:12

Kumawus in itu, si kikiiten é suraro Romawi wo sé suraro wo ka'i sé mengatéir im Balé Le'nas sé iparu'du' é kikiiten é agama Yahudi, tumangka' si Yesus wo wa'kesen éra.

Kisah Para Rasul 10:1

Ang Kaisarea awéan esa tuama, makangaran Kornelius. Sia perwira Romawi si kikiiten é sangaatus suraro. Ngaran ing kompi éra itu suraro Italia.

Kisah Para Rasul 17:5

Taan sé tou Yahudi walina manganat a si Paulus wo si Silas. Ampa'paano in itu li'usen éra sé tou léwo' am pasar sé ra'ica wana tawoien en lumicoko ing kota itu. Wo em balé i Yason sinerang éra ka'i e mangéré si Paulus wo si Silas, en urusen an dior é tou keli.

Kisah Para Rasul 19:40

Ampa'paan sapa e imamuali asi endo anio' iméma'o cita ang kawangkuran. Sé pemerénta Romawi ro'na tumudu icita iméma' ing kalicokoan. Sa en anio' mamuali kita ra'ica wana alasan en icua ai séra.” Ampa'paan i nuwu'na itu sé tou imali'us itu metalicur.

Kisah Para Rasul 21:38

Anaé, ra'ica réén tou Mesir ko, si weru-weru anio' méma' ing kalicokoan wo si makawali mangé epat ngariwu tou sé mengalicoko makalulutaw tumincas an tana' kapayasan?”

Kisah Para Rasul 22:22

An tutuw lingan é tou Yahudi sa si Amang Kasuruan irumu'du'o si Paulus mangé a sé tou ra'ica Yahudi, sé tou itu tumo'tolo maangko', “Si tou anio' ra'ica patus menonou. Paténo sia!”

Kisah Para Rasul 23:17

Kelinga in itu wo towan i Paulus si esa perwira wo kumua ai sia, “Tuang, pekiupusenku iwali mangé si mangalitou anio' a si kikiiten i tuang, ampa'paan awéan en icuana a si kikiiten i tuang.”

Kisah Para Rasul 24:22

Kekawus i Paulus kumua in taniitu, si gubernur Feliks si makailek wutul in sususuien i Yesus Kristus, en lumando woo im perkara itu. Icuana, “Em perkara miow, puséénku oka sa si Lisias si kikiiten é suraro Romawi icateka'o am bia.”

Kisah Para Rasul 24:6

Wo ka'i sia mepé' numajis im Balé Le'nas, ampa'paan in ituo tangkaan ami sia wo sidangeno woo ami kiit in ukum Torat.

Kisah Para Rasul 24:7

Taan si kikiiten é suraro Romawi makangaran Lisias mai mindo sia an uner ami ang karapi ra'ica sumoma.

Kisah Para Rasul 25:23

Mando mai, si colano Agripa wo si Bernike mai am balé pengaadilan, mepaké ing karai kakolanoan. Séra in dua mai mewali-wali wo sé kikiiten é suraro wo sé tou pasiri-siriin a si kota itu. Wo peréntan i gubernur Festus wosama' si Paulus iwali mai am bitu.

Kisah Para Rasul 26:21

Ampa'paan in ituo, yaku tinangka' é tou Yahudi am Balé Le'nas wo mepé' e maté yaku.