Kisah Para Rasul 21:27 - En Taar Weru a nunuwu' é Tontemboan

²⁷ An tutuw mekawu-kawuso em pitu ngando, wo sé tou Yahudi sé an Asia owo mai suméré si Paulus si an untep im Balé Le'nas. Pasoon éra i nunuwu' léwo' sé tou am bitu wo tumangka' isia.

Kisah Para Rasul 21:27 ပူးပေါင်းရင်းမြစ်များ

Lukas 21:12

Taan ra'ipé' mamuali waya en itu, kamu tangkaan owo wo okoien oka é tou. Wo isarakan éra oka kamu am balé-walé paapo'an é agama Yahudi en akimen wo yuntep am bui wo iwali éra oka ka'i a sé kolano wo a sé makakawasa ampa'paan kamu makiit Yaku.

Kisah Para Rasul 13:50

Taan sé tou Yahudi sé cumélong in Taar i Amang Kasuruan itu, séra memaso-maso' in léwo' a sé wéwéné sé mengaapo' a si Amang Kasuruan sé awéan pengaru wo ka'i a sé kikiiten ang kota itu. Wo okoien éra si Paulus wo si Barnabas wo yusér éra en tumela'u in sangkum itu.

Kisah Para Rasul 14:19

Wo asi témpo itu mayo sé tou Yahudi a mangé en Antiokhia wo an Ikonium owo. Séra memaso-maso' in léwo' a sé tou keli itu akar si Paulus wangkilen éra im batu wo wésoon éra icesot ang kota, ampa'paan paweroten éra sia imatéo.

Kisah Para Rasul 14:2

Taan awéan tou Yahudi sé ra'ica kiim mercaya in aicua i Paulus wo si Barnabas, séra memaso-maso' in léwo' sé tou ra'ica Yahudi wosama' icasuut éra sé poo-poow esa paémanen itu.

Kisah Para Rasul 14:5

Eng kasiwakanna, sé tou Yahudi wo sé tou ra'ica Yahudi mewali-wali wo sé kikiiten éra meesa. Séra rumaméji e mokoi wo mangkil im batu a si Paulus wo si Barnabas.

Kisah Para Rasul 16:6

Si Paulus wo sé karapina asaloke' ilumangkoi am Frigia wo ang Galatia, ampa'paan pinéro i Roh Le'nas séra eng kumua in Abar Kaaruien andumoro' i Yesus Kristus an sangkum in Asia.

Kisah Para Rasul 17:13

Taan an tutuw kailekan é tou Yahudi sé an Tesalonika owo sapaoka si Paulus makua ka'i in taar i Amang Kasuruan am Berea wo séra mangé am bitu e memaso-maso' in léwo' a sé tou am bitu akar sé tou keli ra'io makaaté in sama'.

Kisah Para Rasul 18:12

Taan an tutuw i Galio mamualio gubernur an Akhaya sé tou Yahudi meesa até en tumangka' si Paulus. Kumawus in itu sia paalin éra am pengadilan.

Kisah Para Rasul 2:9

Kita tou: Partia, Media, Elam, Mesopotamia, Yudea wo eng Kapadokia, Pontus wo Asia,

Kisah Para Rasul 20:19

Ang karapi ing kako'kosan in até aku sumelewir si Casuruan wo makakeli-keli aku maamé' wo keli mamendam im pangepé'an ampa'paan sé tou Yahudi maaté-até in léwo' e maté yaku.

Kisah Para Rasul 24:11

Tana'i é tuang. Ra'ica ilumébé asi sangapulu' rua ngando ilumangkoi, yaku imangé maapo' an Yerusalem. Ro'na pamuéien i tuang a sé tou keli andumoro' in itu.

Kisah Para Rasul 24:18

Ang karoro'anku maéma' waya in itu am Balé Le'nas wo mai sé piraan tou Yahudi an Asia owo, kekawus ako itu yaku iméma' ing kanaramen meresi in owak. Am bitu ra'ica keli en tou wo yaku ka'i ra'ica iméma' ing kalicokoan.

Kisah Para Rasul 26:21

Ampa'paan in ituo, yaku tinangka' é tou Yahudi am Balé Le'nas wo mepé' e maté yaku.

Kisah Para Rasul 4:3

Anaé, iru'du' éra tou en tumangka' si Petrus wo si Yohanes taan ampa'paan imawengio, si Petrus wo si Yohanes yuntep éra am bui akar i woondona mai.

Kisah Para Rasul 5:18

Tangkaan éra sé ruru'du'an wo yuntep am bui.

Kisah Para Rasul 6:12

Tanu siituo em pengaémaan éra mengawéé in léwo' a sé tou keli, a sé matu'a, a sé makailek wutul in Torat. Wo tangkaan éra si Stefanus wo wésoon éra sia wo iwali éra mangé a Mahkamah Agama.

Kisah Para Rasul 6:9

Am bitu awéan ka'i piraan tou Yahudi ang Kirene owo wo an Aleksandria, wo awéan piraan ka'i mai ang Kilikia wo an Asia owo. Séra itu indior sumangkumo mamuali ata é tou taan intarépé' ra'io. Em balé paapo'- an éra makangaran ‘Walé paapo'an é tou sé indior sumangkumo mamuali ata.’ Ra'ica icasalé' éra si Stefanus, ampa'paan in ituo séra meindoan roma' wo sia.

2 Korintus 11:26

Am bawayaanku makakeli-keli mengakawali ang kawangkuran, tanu mai icawangkur an doyongan sumonop, pengakasua' asé marampok, ipengawangkur é touku Yahudi wo ka'i sé tou ra'ica Yahudi, icawangkur ang kota, icawangkur an tana' kapayasan, icawangkur an uner in ta'sic, wo ka'i pengawangkur é tou sé makua sapaoka séra poo-poowta esa am paémanen a si Kristus mandé en ulitna séra ra'ica maéman.

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.