Kisah Para Rasul 21:21 - En Taar Weru a nunuwu' é Tontemboan

²¹ Taan pinalinga érao ka'i andumoro' sé ipasusuimu a sé pakasa é tou Yahudi sé maento' an uner é bangsa walina, sapaoka séra nomoo makiit in ukum Torat. Wo aicuamu kiné, sapaoka sé toyaang nomoo sunaten wo ka'i nomoo menonou makiit ing kanaramenta.

Kisah Para Rasul 21:21 ပူးပေါင်းရင်းမြစ်များ

Kisah Para Rasul 16:3

Wo icasalé' i Paulus si Timotius kumiit mewali-wali wo sia am bawayaanna, ampa'paan in ituo iru'du' i Paulus tou en sumunat si Timotius. Ampa'paan kailekan é tou Yahudi an sangkum in angéan éra sa si amang i Timotius tou Yunani.

Kisah Para Rasul 21:22

Anaé, intarépé' tambisa réén? Ampa'paan séra tantu luminga oka sapaoka ko imayo am bia'i.

Kisah Para Rasul 21:28

Séra mangko', “Éi tou Israel, tawangen kami! Siao si mangé am bisa-wisa e masusui pakasa sé tou ang karapi in sususuien sé makélong sé touta Israel wo en ukum Torat wo em Balé Le'nas anio'! Wo intarépé' sia makawali mai sé tou ra'ica Yahudi am Balé Le'nas anio' wo méma' in tampa le'nas anio' manajis!”

Kisah Para Rasul 28:17

Teluo ngando kami am bitu wo enoten i Paulus sé tou Yahudi sé pasiri-siriin e meta'up wo sia. Wo an tutuw éra imali'uso, icuana ai séra, “Poo-poow! Yaku am bia'i ampa'paan tinangka' é tou Yahudi an Yerusalem wo isarakan éra aku a sé pemerénta Romawi. Taan aku ra'ica iméma' kaséaan sapa-sapa en sumundur sé taranakta wo ka'i ra'ica kumélong ing kanaramen é apo-apo'ta.

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.