Kisah Para Rasul 21:20 - En Taar Weru a nunuwu' é Tontemboan

²⁰ Kelinga in itu, séra rumayo wo sumiri' si Amang Kasuruan. Wo icua éra a si Paulus, “Éi poow! Musti kailekanmu sapaoka mariwuo eng kakeli é tou Yahudi maémano wo re'dem makiit in ukum Torat.

Kisah Para Rasul 21:20 ပူးပေါင်းရင်းမြစ်များ

Matius 9:8

Keséré in itu, sé tou keli maindé' wo rumayo si Amang Kasuruan si méé ing kawasa wangko' a sé tou.

Lukas 12:1

Asi témpo itu, mariwu-riwu tou mali'usai akar séra meréngké-réngké'an oka. Wo si Yesus tumo'tolo sumusui, eng kataré-taré a sé murit-Na, icua i Yesus, “Mareti-retio mangé kamu a sé tou Farisi. Séra itu punek, paturu' éra sapaoka séra makiit ing kasalé'an i Casuruan, taan en ulitna séra ra'ica maéma' ing kasalé'an-Na. Em pakatawér éra itu, kaputé i ragi aiwéé an adonan ing kukis wosama' eng kukis itu ruméis.

Lukas 15:32

Anaé, intarépé', kita musti masalé-salé' wo maaru-arui, ampa'paan si tuarimu itu imatéo taan intarépé' itumouo sumawel, sia aicatalao taan intarépé' kinéréano.’ ”

Yohanes 12:24

En ulitna icua-Ku mangé ai camu, sa en lulumbo ra'ica ayusew an tana' wo maté, en lulumbo itu kasake' esa. Taan sa en lulumbo itu maté, en lulumbo itu méé oka keli wua'na.

Kisah Para Rasul 11:18

Kelinga in itu, sé tou Yahudi sé maémano a si Yesus ra'io ka'i tumantang si Petrus. Wo séra rumayo si Amang Kasuruan wo kumua, “Anaé, sé tou ra'ica Yahudi ka'i tinambérano mai i Amang Kasuruan kamang e mape'dis wo makéré ing katouan akar ing kauré-uré.”

Kisah Para Rasul 15:1

Awéan piraan tou an Yudea owo, mai an Antiokhia. Am bitu séra sumusui sé tou ra'ica Yahudi sé maémano in tana'i, “Sa kamu ra'ica sunaten iciit ing kanaramen si aisusui i Musa, kamu ra'ica malowir.”

Kisah Para Rasul 15:24

Aipatic ami en surat anio', ampa'paan lininga ami awéan piraan tou sé ai cami owo imangéo ai camu. Séra lumicoko i ngaas iow wo méma' icamu ra'io makaaté in sama' in sususuien éra. Sé tou itu ra'ica airu'du' ami mangé ai camu.

Kisah Para Rasul 15:5

Taan am bitu awéan piraan tou Yahudi ang golongan Farisi sé maémano. Séra tumulung wo kumua, “Sé tou ra'ica Yahudi musti sunaten wo kumiit ing kanaramen si aisusui i Musa.”

Kisah Para Rasul 2:41

Kumawus in itu, sé tou itumerima i nunuwuun i Petrus, séra méé in owak em baptisen. Asi témpo ituke', sé tou maéman a si Yesus makaawes eng kakeli mamuali telu ngariwu tou.

Kisah Para Rasul 22:3

“Yaku tou Yahudi, itumou an Tarsus an tana' Kilikia, taan imawangko' an Yerusalem anio'. Si guruku makangaran Gamaliel. Yaku sinusuianna in sama' andumoro' in ukum Torat si aiwéé i Musa a sé apo-apo'ta. Pakasa en atoran i Amang Kasuruan itu pengaémaanku waya tanu ka'i im pengaémaan iow intarépé'.

Kisah Para Rasul 4:21

Kelinga in itu, sé tou an sidang itu makarepetke' taré mangindé' si Petrus wo si Yohanes. Taan iwekar éra sé rua ruru'du'an itu ampa'paan ra'ica kailekan éra sapa en ukuman iwéé ai séra wo ka'i maindé' a sé tou keli am bitu sé marayo-rayo si Amang Kasuruan ampa'paan si tou késo' si masama'o itu.

Kisah Para Rasul 4:4

Taan an uner é tou sé iluminga in sususuien itu kelian sé maéman, akar eng kakeli éra wona' awéan lima ngariwu tuama.

Kisah Para Rasul 6:7

En Taar i Amang Kasuruan makaseraro wo sé tou maéman a si Yesus an Yerusalem makaaweso eng kakeli. Kelian sé imam sumarakan in owak éra wo maéman a si Yesus.

Roma 10:2

Sinérékuo in esa sapaoka séra uli-ulit rumaméji mengaarui in até i Amang Kasuruan, taan ra'ica kailekan éra tumambisa em butulna.

Galatia 1:14

Tanu tou si mengakiit in agama é Yahudi yaku en lébé incaya' miara ing kanaramen é apo-apo'ku, sa ipeputé wo sé kinakelian asé tou Yahudi sé merengan wo yaku.

Galatia 1:24

Ampa'paan sapa e niéma' i Amang Kasuruan a yaku, séra rumayo wo sumiri' Sia.

2 Tesalonika 1:10

Pakasa en itu mamuali oka an tutuw i Apo' Yesus imayo sumawel. Sia maai oka wo irayo é tou le'nas-Na wo siriin waya é tou maéman. Kamu ka'i icauntep ai séra ampa'paan kamu maémano in abar si aicuao ami.