Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kisah Para Rasul 20:6 - En Taar Weru a nunuwu' é Tontemboan

6 Kekawus in endo wangko' Roti Ra'ica Rinagian, kami tumela'u in Filipi wo suméngkot angé an Troas. Lima ngando eng kauréna em bawayaan ami wo kami meta'up wo iséra sé rumioro itu wo kami mento' pitu ngando eng kauréna.

အခန်းကိုကြည့်ပါ။ ကော်ပီ




Kisah Para Rasul 20:6
18 ပူးပေါင်းရင်းမြစ်များ  

An tutuw kinailekan i Herodes sa si niéma'na itu méma' in até é tou Yahudi arui wo iru'du'na ka'i si Petrus tangkaan. Asi témpo itu endo wangko' Roti Ra'ica Rinagian.


Kekawusai i Paulus suméré im pinapaturu'an itu, kala'usen ami i musé' wo tumu'tul e maangé a Makedonia, ampa'paan am pinapaturu'an itu kami tinowao i Amang Kasuruan eng kumua in Abar Kaaruien andumoro i Yesus Kristus a sé tou a mangé mbitu.


A Neapolis kami maya' mangé an Filipi. Eng kota itu, kota penting a Makedonia, panangkéian é tou Roma. Wo kami mento' am bitu wayake' im pira ngando eng kauréna.


Anaé, séra asaloke' ilumangkoi i Misia wo icateka' mangé an Troas.


Si Paulus masalé' keli rior icateka' an Yerusalem, ampa'paan icasalé'na asi endo wangko' Pentakosta sia a mangéo mbitu. Ampa'paan in itu ra'ica kiimna en tumuli an Efesus wosama' en témpona ra'ica maka'pu an Asia.


Am bitu, kami mangé masiar a sé tou maéman wo mento' ang karapi éra esa duminggu eng kauréna. Wo icua i Roh Le'nas ai séra e mokéi a si Paulus wosama' sia ra'ica toro mangé an Yerusalem.


Mando mai, itela'u ami em Ptolemais wo suméngkot angé ka'i ang Kaisarea. Am bitu kami mento' am balé i Filipus si mengakua in Abar Kaaruien andumoro' i Yesus Kristus. Si Filipus itu esaan asé pitu tou sé kinasisiran an Yerusalem en sumelewir a sé balu lengéi.


Am bitu, kami meta'up wo sé tou maéman a si Yesus wo enoten éra kami mento' ang karapi éra pitu ngando eng kauréna. Kekawus in itu kami suméngkot mangé a Roma.


En surat anio' a yaku owo Paulus wo si Timotius ata-ata i Kristus Yesus. Icirimku en surat anio' a sé pakasa in tou le'nas sé meesao wo si Yesus Kristus an Filipi, icauntep sé tou mengatilik sé jamaat wo sé maselewir an jamaat.


Kailekan iow ka'i, an tutuw ami ra'ipé' mai ai camu, kami niokoio wo aiséroo an Filipi. Taan mandé ka'i in taniitu kami tinawango i Amang Kasuruan wosama' kami ra'ica wana eng kaindé'an eng kumua in Abar Kaaruien-Na ai camu.


Sa ko maayo am bia'i, oréoka ipelupamu e maalimai in jubaku si aitela'uku am balé i Karpus ang kota Troas wosama' aku ra'ica kautingan. Paalinai ka'i eng kitap-kitapku, lébé-lébépé' ka'i eng kitap si niéma' ang kulit é binatang owo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ