Kisah Para Rasul 20:4 - En Taar Weru a nunuwu' é Tontemboan

⁴ Awéan piraan tou en cumiit a si Paulus, séra itu si Sopater toyaang i Pirus tou im Berea, si Aristarkus wo si Sekundus tou Tesalonika, si Gayus tou in Derbe, si Timotius, sé rua tou an Asia owo, si Tikhikus wo si Trofimus.

Kisah Para Rasul 20:4 ပူးပေါင်းရင်းမြစ်များ

Kisah Para Rasul 14:20

Taan, an tutuw é tou maéman am bitu matulung wo lumi'cir sia, makala'us sia tumulung wo muntep sumawel an Listra. Asi woondona mai, sia mangé an Derbe mewali-wali wo si Barnabas.

Kisah Para Rasul 14:6

Taan kailekano éra in dua em pawasa-wasan léwo' itu. Ampa'paano in itu séra sumingkir angé ang kota-kota an Likaonia. Eng kota-kota itu, Listra wo en Derbe wo an tampa-tampa walina an sangkum itu.

Kisah Para Rasul 16:1

Si Paulus mangé ka'i an Derbe wo melala'us an Listra. A mangé mbitu, awéan esa tou makangaran Timotius, sia anio' tou makiit a si Yesus. Si inangna tou Yahudi si maémano a si Yesus wo si amangna tou Yunani.

Kisah Para Rasul 16:6

Si Paulus wo sé karapina asaloke' ilumangkoi am Frigia wo ang Galatia, ampa'paan pinéro i Roh Le'nas séra eng kumua in Abar Kaaruien andumoro' i Yesus Kristus an sangkum in Asia.

Kisah Para Rasul 17:1

Si Paulus wo si Silas mangé an Tesalonika lumangkoi in Amfipolis wo Apolonia. An Tesalonika, awéan walé paapo'an é agama Yahudi.

Kisah Para Rasul 17:13

Taan an tutuw kailekan é tou Yahudi sé an Tesalonika owo sapaoka si Paulus makua ka'i in taar i Amang Kasuruan am Berea wo séra mangé am bitu e memaso-maso' in léwo' a sé tou am bitu akar sé tou keli ra'io makaaté in sama'.

Kisah Para Rasul 19:29

Wo malicokoo waya sé ang kota itu. Tangkaan éra si Gayus wo si Aristarkhus wo iwali éra an stadion. Séra in dua itu tou Makedonia sé mewali-wali mai wo si Paulus am bawayaanna.

Kisah Para Rasul 2:9

Kita tou: Partia, Media, Elam, Mesopotamia, Yudea wo eng Kapadokia, Pontus wo Asia,

Kisah Para Rasul 20:16

Si Paulus masalé' keli rior icateka' an Yerusalem, ampa'paan icasalé'na asi endo wangko' Pentakosta sia a mangéo mbitu. Ampa'paan in itu ra'ica kiimna en tumuli an Efesus wosama' en témpona ra'ica maka'pu an Asia.

Kisah Para Rasul 20:18

An tutuw éra icateka' mai a Miletus, icua i Paulus ai séra, “Poo-poow, kailekano miow tambisa eng katouanku an tutuwku mewali-wali wo icamu tumo'tolai asi endo kataré aku icateka' an Asia anio'.

Kisah Para Rasul 21:29

Séra kumua in taniitu ampa'paan séra sumangkumo suméré si Trofimus si tou Efesus mewali-wali wo si Paulus an Yerusalem. Wo paweroten éra si Trofimus aiwali mai i Paulus e muntep am Balé Le'nas.

Kisah Para Rasul 27:2

Wo kami im baya sumaké ang kapal an Adramitium owo, si menuli-nuli oka am pasuwa-suwaan ing kapal an Asia. Wo awéan esa tou icumiit icami, makangaran Aristarkhus, si tou Makedonia ang kota Tesalonika owo.

Roma 16:21

Si Timotius katawoiku am bia'i méé ka'i mai in siri' ai camu. Taniitu ka'i sé kakéléku tou Yahudi si Lukius, Yason wo si Sosipater méé ka'i mai in siri' ai camu.

Roma 16:23

Si Gayus ka'i méé mai in siri' ai camu. Yaku si Paulus winéanna kaloasan mento' am baléna, taniitu ka'i sé jamaat ami mengali'us maapo' am baléna. Si Erastus si tinokéan mengaurus in doit ing kota, wo si Kwartus poowta esa paémanen méé ka'i in siri' ai camu. [

2 Korintus 1:1

En surat anio' a yaku owo, Paulus si mamuali ruru'du'an i Yesus Kristus kumiit ing kasalé'an i Amang Kasuruan. En surat anio' aipaticku mewali-wali wo si Timotius poowta an esa paémanen. En surat anio' aicirim ami a sé jamaat i Amang Kasuruan ang Korintus, wo ka'i a sé tou le'nas an Akhaya.

2 Korintus 1:19

Ampa'paan si Yesus Kristus, Toyaang i Amang Kasuruan, ra'ica icumua “én” kekawus in itu “ra'ica”. Si Kristus ituo si ayabar i Silas, Timotius wo yaku ai camu. An untep i Kristus asaloke' awéan “én”.

Efesus 6:21

Si Tikhikus oka e maangé ai camu eng kumua in andumoro' ing katouanku wo sapa si niéma'ku, wosama' ro'na kakailekan iow andumoro' yaku. Sia poow si paupu-upusta wo sia tou le'tek mengaselewir si Casuruan.

Filipi 2:19

Em paarapenku sa woo énannai i Apo' Yesus, icala'usku yutus angé si Timotius ai camu. Ampa'paan aku mendam oka in arui sa sia maréngomai sumawel wo maali mai in abar andumoro' icamu.

Kolose 4:10

Si Aristarkhus, si binui mewali-wali wo yaku méé ka'i mai in siri' ai camu taniitu ka'i si Markus, si toyaang metuari wo si Barnabas. Andumoro' si Markus anio' sumangkumo aicuaku ai camu sapaoka sa sia maai, terimano mangé sia ang karapi in sama'.

Kolose 4:7

Pakasa en abar andumoro' yaku am bia'i, icua oka i Tikhikus ai camu. Sia poow si caupusta, ata le'tek si re'dem matawoi wo ka'i karapi ami e maselewir si Casuruan.

1 Timotius 1:1

En surat anio' a yaku owo Paulus, si mamualio ruru'du'an i Kristus Yesus kumiit im perénta i Amang Kasuruan Si Lumolowirta wo si Kristus Yesus si paarapenta.

2 Timotius 1:2

Timotius, ko tanu toyaangku in esa wo icaupusku. Pangilekenku a si Amang Kasuruan wo a si Kristus Yesus Apo'ta en tumambérai ing kamang, tumuru' ing kaupusan wo ing kaeluran ang katouanmu.

2 Timotius 4:12

Airu'du'kuo si Tikhikus mangé an Efesus.

2 Timotius 4:20

Si Erastus makaento'pé' ang Korintus. Wo si Trofimus aitela'ukupé' a Miletus ampa'paan sia sumakit.

Titus 3:12

Éi Titus, iru'du'ku oka si Artemas kuma'pa si Tikhikus maangé ai co. Sa sia icateka'o mangé, rumaméjio ko mario-riorai a yaku ang kota Nikopolis. Ampa'paan pinusé'kuo e mento' am bitu akarke' in oras ing kautingan.

Filemon 1:24

Sé kara-karapiku an esa tawoien, si Markus, si Aristarkhus, si Demas wo si Lukas, séra ka'i cumirim mai in siri' ai co.

3 Yohanes 1:1

En surat anio' a yaku owo penatua an jamaat. En surat anio' aipaticku ai co é poowku Gayus si uli-ulit icaupusku.